1. Korintarja 7:10 - O Debleskro Lab 2024 (Sinte-Manouche)

^10-11 Kolenge, kay romedino hi, penell o ray Yezous, gar me, te moukell i romni peskro romes gar. Vitar gar hounte tradell i rom peskri romyat pestar. Te moukas i romni peskro romes, hounte ačell yoy peske kokres. Te kamell li gar kokres te ačell, palle rakrell li pes peskro romeha vin, oun djal pash leste pale.

O Debleskro Drom 2021 (Sinte)

^10-11 Kolenge, kai romedino hi, penell o rai Jesus, gar me, te mukell i romni peskro romes gar. Witar gar hunte tradell i rom peskri romjat pestar. Te mukas i romni peskro romes, hunte atchell joi peske kokres. Te kamell li gar kokres te atchell, palle rakrell li pes peskro romeha win, un djal pash leste pale.

1. Korintarja 7:10 ပူးပေါင်းရင်းမြစ်များ

Jeremia 3:20

Čačepah, har i romni, kay rhorhras peskro romes i vavar morsheha, yaake rhorhras man o kheer Israel. Me, o baro Devel, penau kova.

Mateo 5:32

Me penau t'menge: Kones hi i romni, kay rhorhras les gar i vavar morsheha, oun yob moukell lat, kova krell, te lell li i vavares. Oun yaake anell li doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.

Markus 10:2

Oun i Farisarya van pash leste, oun kaman les leskre labentsa te taprell. Oun yon poučan lestar: “Nay moukell i morsh peskri romyat pal maro čačepen?”

Louka 16:18

Koon peskri romyat moukella, oun romedinerell i vavar djouvyat, kova rhorhell peskri ersti romyat oun anell doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.”

1. Korintarja 7:12

Kol vavarenge penau me, gar o ray Yezous: Te hi i patslo phrales i romni, kay gar patslo hi, oun yoy kamell pash leste te ačell, palle tradell yob lat gar krik.

1. Korintarja 7:15

Te kamell kova, kay gar patslo hi, o patsles te moukell, yaake nay djal lo peske. Ko patslo hi gar pandlo ap leste. O Devel kamell gar, te čingrenn t'men.

1. Korintarja 7:25

Pral kol ternende, kay gar romedino hi, hi man kek lab, hoy maro ray Yezous mange penas. Me penau, har me kova dikau. Oun maro ray Yezous his yaake kamlo ap mande oun kras dran mande i morsh, ap koleste i menshe shounenna. Doleske nay patsenn man.

1. Korintarja 7:40

Yoy hi barhtleder, patsau me, te ačell yoy peske kokres oun romedinerell gar. Yaake dikau me kova. Oun man hi ninna o Debleskro Dourho.

1. Korintarja 7:6

Me penau t'menge kova, te nay krenn kova yaake, oun gar, te hounte krenn les.