1. Korintarja 6:9 - O Debleskro Lab 2024 (Sinte-Manouche)

⁹ T'mer hounte djinenn, kolla, kay čilačo koova krenna, venn gar pash o Debleste an o bolepen, oun lenn gar ko lačo koova, hoy o Debles peskre čavenge hi. Ma rhorhenn t'men kokres! Kolla, kay vi-ladjedo koova krenna, venn gar pash o Debleste an o bolepen, vitar gar kolla, kay mangenn vavar koova an har o Debles, vitar gar kol morsha, kay rhorhenn pengri romyat i vavar djouvyah, vitar gar kol djouvya, kay rhorhenn pengro romes i vavar morsheha, vitar gar kol morsha, kay krenn vi-ladjedo koova vavar morshentsa oun čaventsa,

O Debleskro Drom 2021 (Sinte)

⁹ Tumer hunte djinenn, kolla, kai tchilatcho koowa krenna, wenn gar pash o Debleste an o bolepen, un lenn gar ko latcho koowa, hoi o Debles peskre tchawenge hi. Ma chochenn tumen kokres! Kolla, kai wi-ladjedo koowa krenna, wenn gar pash o Debleste an o bolepen, witar gar kolla, kai mangenn wawar koowa an har o Debles, witar gar kol mursha, kai chochenn pengri romjat i wawar djuwjah, witar gar kol djuwja, kai chochenn pengro romes i wawar mursheha, witar gar kol mursha, kai krenn wi-ladjedo koowa wawar murshentsa un tchawentsa,

1. Korintarja 6:9 ပူးပေါင်းရင်းမြစ်များ

1. Mose 19:5

oun dan pal o Lot gole oun poučan lestar: “Kay hi kol morsha, kay i rati pash toute van? De len mende, te kras dinelo koova lentsa!”

2. Mose 23:1

Tou rakress kek koova doureder, hoy tou shounal, oun tou gar djineh, te hi kova čačo! Ma rhorhe i vavareske, kay anas doosh ap peste!

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

Gosewe laba 22:8

Kova, kay rhorhepen vin vitsrell har djob, kova anell bibarht dren. Palle nay djal lo bouder gar i vavarentsa yaake trouyel har yob kamell.

Gosewe laba 7:27

Lakro kheer hi o voudar an o moulengro them. Koon pash late djal, hi ap o drom an o merepen.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Ezekiel 18:11

hoy leskro dad gar kras. Oun rhal ko massestar, hoy i rhorhene deblen dino vas, oun djal i vavareskri romyah,

3. Mose 18:20

Tou sovess gar i romyah i vavarestar, te kress tout gar pale-čiddo.

3. Mose 18:22

Kek morsh te sovell i vavar morsheha. I baro pale-čiddo koova hi sau kova.

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

3. Mose 20:13

Te sovell i morsh i vavar morsheha, krenn le i baro pale-čiddo koova. Kol douy hounte hidjrenn le pengri phagi oun hounte venn maredo.

Zakarie 5:3

Oun yob penas ap mande: “Kova hi o praasepen, hoy djal vin pral o tselo them Youda. Kava liil penell: Hakeno, kay rhorhell, vell vin tradedo dran o them. Ninna hakeno, kay dell i rhorheno sovel, vell krik lino.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Louka 21:8

Penas lo: “Denn yak! Moukenn t'men kekestar o Debleskro dromestar tele te anell! Koy venna boud morsha, kay penenna: Me hom o Kristo, ko baro ray, kolestar o Devel penas, te vell yob! Oun yon penenn ninna: O tsiro hi kay! Me penau t'menge: Ma nashenn lenge palla!

Bičepangre 20:32

Me čivau t'men kanna an o Debleskro vast, te dell yob yak ap t'mende. Ačenn pash o Debleste oun pash leskro lab! Leskro lab sikrell t'mende o Debleskro lačepen. Les hi i zoor, te krell lo t'men zoreles an o patsepen. Oun o Devel dell t'men yek bravlepen an o bolepen. Kova hi o djipen, hoy gar pre-herella. Kova dell yob lauterende, kay leskre čave hi.

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Remarja 1:18

O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele.

1. Korintarja 15:33

Ma patsenn, kay lengro čačo hi! Ma krenn kova, hoy yon krenna!

1. Korintarja 15:50

Mire phrala, kova penau me t'menge: Menshe dran mass oun rat nay venn gar an o bolepen. Vitar gar vell kova, hoy moulo hi, kote, kay i djide hi.

1. Korintarja 3:16

Djinenn t'mer gar, kay han t'mer o Debleskro kheer, oun kay o Debleskro Dourho an t'mende djivella?

1. Korintarja 5:1

Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.

1. Korintarja 5:10

An ko liil rakrom me i patslendar oun gar lauterendar ap kay phoub, kay krenna vi-ladjedo koova, kay hi boklo pal i love, kay hi čorepangre, oun kay mangenn vavar koova an har o Debles. Kolendar rakrau me kate gar. Te rakroms kolendar, hounte moukans t'mer kay phoub.

1. Korintarja 5:11

An ko liil činom t'menge, te venn t'mer kek mala kolendar, kay penenn pendar: “Me hom patslo” oun krenn vi-ladjedo koova, hi boklo pal i love, mangenn vavar koova an har o Debles, praasenn i vavaren, hi pipangre oun čorepangre. Te hi yek mashkral t'mende, kay krell savo koova, koleha rhan gar khetne!

1. Korintarja 6:10

vitar gar i čorepangre, vitar gar kolla, kay ap i love pandlo hi, i dre-phagepangre, i pipangre oun kolla, kay praasenn i vavaren, – kolla lauter venna gar pash o Debleste an o bolepen.

1. Korintarja 6:18

Doleske penau t'menge: Ma loubrenn trouyel! Te kreh tou savo koova, čineh tou touke kokres an o mass. Hako vavar čilačepen kreh tou ap i vavarende. Te loubreh trouyel, kreh tou o čilačepen ap toute.

1. Korintarja 6:19

Djinenn t'mer gar, kay han t'mer o kheer, kay o Debleskro Dourho djivella? Kova hi an t'mende oun vell o Deblestar. Oun t'mer han leskre, oun nay krenna bouder gar, hoy kamenna.

1. Korintarja 9:24

Hayvenn! Kol naashepangre nashenn lauter, oun hakeno kamell o glanstouno te vell. Yek kokres vell o glanstouno. T'mer patsle, hounte nashenn yaake ap t'maro patsepaskro drom, har te kamans o glanstouno te vell! Palle lenn t'mer o shoukar koova, hoy o glanstouno lella!

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

Galatarja 6:7

Ma patsenn, te krenn nay o Debleha, har t'mer kamenna! T'mer te krenn lačo koova, lenn t'mer lačo koova pale pale. T'mer te krenn čilačo koova, lenn t'mer čilačo koova pale pale.

5. Mose 22:22

Te hatsell yek i morshes, kay hi čiddo pash i djouvel, koya i vavareskri romni hi, palle hounte merenn kol douy: ko morsh, kay pash late čiddo his, oun koy djouvel. Yaake čivenn t'mer o čilačepen dran Israel vin.

5. Mose 22:5

I djouvel rivell kek morshengre koola an. Oun i morsh rivell kek djouvyengre koola an. Koon sau koova krell, kova krell hoy djoungeles hi glan t'maro baro Debleskre yaka.

5. Mose 23:17

Yob nay djivell pash t'mende an i foro t'mendar, hoy yob peske vin rodell, kote kay les an peskre yaka mishto hi. Oun t'mer rikrenn les gar i zoryah tele.

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.

Hebrearja 12:16

Denn garda, te krell kek t'mendar vi-ladjedo koova, vitar gar, te djivell yek har o Esau, koleske o Debleskro lačepen či moldo his! Yob his o phoureder čavo, oun les hi o čačepen, te lell lo peskro dadeskro bravlepen pal koleskro merepen. Vas i dives, kay vas les bok, oun yob bikras ko čačepen, te lell lo i čaro lačo rhapen.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

Jakobo 1:16

Mire kamle phrala! Ma rhorhenn t'men kokres!

1. Johanni 3:7

Čovale, moukenn t'men kekestar o Debleskro dromestar tele te anell! T'mer hounte djinenna, kolla, kay krenna, hoy čačo hi glan o Debleskre yaka, kolla hi an o čačepen tardo glan o Debleste yaake har o Yezous an o čačepen tardo hi glan o Debleste.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.

Čačepangre 19:22

Oun har yon les penge mishto djal moukan, van morsha dran o foro oun čivan pen troul o kheer tardo, či-molde morsha. Oun kolla dan ap o voudar, oun penan ap ko phouro morsh, koleske ko kheer his: “An menge ko morshes vin, kay pash toute an o kheer vas, te kras dinelo koova leha!”