1. Korintarja 6:1 - O Debleskro Lab 2024 (Sinte-Manouche)

¹ Te hi yekes t'mendar i čingepen i vavar patsleha oun kamell peskro čačepen, har nay anell lo kova glan i čačepangre, kay gar patslo hi? Hoske djal lo gar pash i patslende?

O Debleskro Drom 2021 (Sinte)

¹ Te hi jekes tumendar i tchingepen i wawar patsleha un kamell peskro tchatchepen, har nai anell lo kowa glan i tchatchepangre, kai gar patslo hi? Hoske djal lo gar pash i patslende?

1. Korintarja 6:1 ပူးပေါင်းရင်းမြစ်များ

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Bičepangre 19:38

O Demetrio oun kolla menshe, kay leha khetne boudrenn, yon te trashenn, te lenn le bouder kek love dren, palle nay djan le pash i čačepangre oun moskre. Kolenge nay penenn le lengro koova.

1. Korintarja 1:2

ap i patslende, kay venn khetne an o Debleskro lab an o foro Korint. Kolen rodas o Devel vin, te venn le leskre čave, oun te djivenn o Yezous Kristeha khetne. Kava liil hi ninna kol tsele vavarenge, kay o Yezous Kristes an hake gaba oun forya an-mangenna. Yob hi lengro oun maro ray.

1. Korintarja 14:33

O Devel kamell kek čingepen. Yob kamell, te djal lauter mishto. Kova hi yaake an hake forya, kay i patsle khetne venna.

1. Korintarja 16:1

Kanna kamau te rakrell pral i love, hoy t'mer khetne čivenn i patslenge. Krenn kova yaake, har me les ninna penom kol patslenge an o them Galatia.

1. Korintarja 16:15

Mire phrala, t'mer prindjrenn o Stefano oun kolla, kay an leskro kheer djivenna. Yon hi kol patsle, kay glan i tsele vavarende an o them Akaya ap o Yezouseste patsan. Yon boudrenna pengri tseli zoryah i patslenge. Mangau t'men,

1. Korintarja 5:12

Kova hi gar maro koova, te rakras o čačepen pral kolende vin, kay gar patslo hi. Kova krell o Devel. T'mer hounte rakrenn o čačepen pral kolende vin, kay patsle hi. Vitsrenn koles dran t'mende vin, kay krell ko čilačo koova!

1. Korintarja 6:5

Kova, hoy t'mer kran, hi i bari ladj. Hi kek gosevo morsh mank t'mende, koon nay penella, kones čačo hi?