1. Korintarja 5:8 - O Debleskro Lab 2024 (Sinte-Manouche)

⁸ Oun yaake har čivan yon ko shoutlo yarro krik oun rhan sau maro, kay kek shoutlo yarro dren his, yaake hounte djivas mer maro nevo djipen an o djoudjepen oun an o čačepen. Mer hounte moukas maro phouro djipen, oun djivas bouder gar an o čilačepen.

O Debleskro Drom 2021 (Sinte)

⁸ Un jaake har tchiwan jon ko shutlo jarro krik un chan sau maro, kai kek shutlo jarro dren his, jaake hunte djiwas mer maro newo djipen an o djudjepen un an o tchatchepen. Mer hunte mukas maro phuro djipen, un djiwas buder gar an o tchilatchepen.

1. Korintarja 5:8 ပူးပေါင်းရင်းမြစ်များ

Debleskri gili 32:2

Barhtelo hi ko mensho, koneske o baro Devel i doosh gar glan-rikrell, oun an koleste kek rhorhepen hi.

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

2. Mose 12:15

Efta divessa rhan t'mer maro, kay kek shoutlo yarro dren hi. Ap o ersto dives čivenn t'mer o shoutlo yarro krik. Kova, kay an kol efta divessa maro rhal, kay shoutlo yarro dren hi, kova vell pale-čiddo, oun hounte djivell bouder gar mank i Israelitarya.

2. Mose 12:19

Efta divessa hounte vell kek shoutlo yarro an t'mare khera hatslo. Hakeno, kay maro rhala, kay shoutlo yarro dren hi, vell pale-čiddo, oun hounte djivell bouder gar mashkral i Israelitarya. Kova nay vell i vi-themari, ninna i Israelitari.

2. Mose 12:8

Ko mass vell peklo pral i yag. Oun yon hounte rhan les an koy rat khetne o maro, kay kek shoutlo yarro dren hi. Oun shoutlo zenlepen rhan le pashel.

2. Mose 13:6

Efta divessa rhan t'mer maro, kay kek shoutlo yarro dren hi. Oun o eftato dives vell i baro dives, kay venn khetne o baro Debleske.

2. Mose 13:7

Kol efta divessa rhan t'mer maro, kay kek shoutlo yarro dren hi. Oun kek shoutlo yarro, vitar kek shoutlo maro, vell pash t'mende diklo, kote kay djivenna.

Jesaja 25:6

Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

Jesaja 30:29

T'mer, o Debleskre menshe, givenna gilya, har pash i baro rhapen an i rat, kay sharenn o Debles oun givenn leske. T'mer venn yaake barhtelo, har te djans bashepah pre ap i berga o baro Deblestar, kay ap o Israeleskri rig hi.

3. Mose 23:6

Oun o 15. (deesh-te-pančto) dives ninna an ko čon, hi ko ersto dives kol divessa, kay hounte rhan kek maro dran shoutlo yarro. Efta divessa rhan t'mer kek maro, an koleste shoutlo yarro hi.

Mateo 16:12

Oun koy hayvan le, te rakras lo gar pral o shoutlo yarro, hoy lenn le, te pekenn le maro. Yob rakras pral kol laba, hoy i Farisarya oun i Sadducarya i menshenge penenna.

Mateo 16:6

Oun o Yezous penas ap lende: “Denn yak! O shoutlo yarro hi gar mishto, hoy vell i Farisarendar oun i Sadducarendar!”

Markus 8:15

Oun o Yezous penas zoreles ap lende: “Denn yak! O shoutlo yarro hi gar mishto, hoy vell i Farisarendar oun o Herodestar!”

Louka 12:1

Ap ko tsiro van boud zerya menshe khetne, yaake te stakras yek o vavareske ap i pire. Koy penas o Yezous ap peskre malende, gar ap kol vavarende: Denn garda, te rakrenn gar douy čipyentsa har i Farisarya! Kova hi har shoutlo yarro, hoy krell o tselo yarro shoutlo.

Johanni 1:47

Har o Yezous dikas, kay o Natanael vas, penas yob: “Dikenn, koy vell i čačo Israelitari. Oun kek rhorhepen hi an leste.”

1. Korintarja 3:3

T'mer djivenn yaake har te prindjrenn o Yezous Kristes gar. Te hi čingepen mank t'mende, oun te zilverenna, palle djivenna yaake har i menshe, kay prindjrenn o Yezous Kristes gar.

1. Korintarja 5:1

Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.

1. Korintarja 5:6

T'mer sharenn t'men. Oun kova hi gar mishto. Djinenn t'mer gar, te krell i tikno kotar shoutlo yarro ko tselo vavar yarro shoutlo?

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Korintarja 2:17

Boud rakepangre penenn o Debleskro lab, te lenn le i menshenge love lendar tele. Yaake ham mer gar. Mer penah o Debleskro lab čičeske. Kova krah o Yezous Kristeske. Mare laba venna o Deblestar. Oun yob shounell, hoy rakrah.

2. Korintarja 8:8

Kova mangau t'men. Me penau gar, te hounte krenn les. Te dikau, havo lačo koova i vavar patsle an o them Macedonia kran, yaake kamau te dikap, te vell t'maro kamlepen dran o dji.

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

5. Mose 16:3

Te rhan t'mer ko rhapen, ma rhan maro koy pashel, kay shoutlo yarro dren hi. Har djan t'menge dran o them Egiptia vin, hounte rhan efta divessa maro, an koleste kek shoutlo yarro dren his, yaake sik hounte nashenn t'menge. Kanna rhan ninna efta divessa maro, kay kek shoutlo yarro dren hi, te bistrenn gar ko dives, kay djan dran o them Egiptia vin, kay anan le yaake boud douka ap t'mende. Doleske kharah mer kava maro doukengro maro.

Josua 24:14

Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

1. Petro 4:2

Yaake rah, har kava mensho ap kay phoub hi, krell lo kova, hoy o Devel kamella, oun djivell bouder gar pal peskro shero.