1. Korintarja 5:2 - O Debleskro Lab 2024 (Sinte-Manouche)

² T'mer han pre-phourdo. T'mer hounte rovans pral ko koova, oun hounte čivans koles pale, kay kras ko koova.

O Debleskro Drom 2021 (Sinte)

² Tumer han pre-phurdo. Tumer hunte rowans pral ko koowa, un hunte tchiwans koles pale, kai kras ko koowa.

1. Korintarja 5:2 ပူးပေါင်းရင်းမြစ်များ

2. Rajengro liil 22:19

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, te djal lenge yaake djoungeles, te ačell vavar menshenge o rakepen krik i trashatar. Oun kova, kay kamell te vell i bibarht pral i vavareste, penella: Touke te djal, har djas o foreske Yerusalem! Har tou kova shounal, kral tire koola paash, kay ap toute his, oun roval glan mande. Doleske shounom me tout ninna”, penell o baro Devel.

Debleskri gili 119:136

Rovau boud sva pral kolende, kay moukenn tiro drom.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

4. Mose 25:6

Oun i tsele Israelitarya his čiddo o ropah glan o Debleskro plarhteno kheer. Koy anas i morsh dran Israel i Midianetsa an o plarhteno kheer peskri familyatar. Oun o Mose oun i tsele israelitarya dikan kova.

1. Korintarja 4:18

Pash t'mende hi menshe, kay phourdenn pen pre oun krenn, har te voms gar pale pash t'mende.

2. Korintarja 12:20

Me trashau, te vau pash t'mende, dikau savo koova pash t'mende, hoy kamau gar. Palle hom me vitar gar yaake har t'mer kamenna. Me trashau te dikau čingepen mank t'mende, ninna zilvepen, rholi, praasepen, djoungelo rakepen pral o vavareste, pre-phourdepen, bipandlo djipen, oun yek kamell feteder te vell har ko vavar.

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.