1. Korintarja 5:12 - O Debleskro Lab 2024 (Sinte-Manouche)

^12-13 Kova hi gar maro koova, te rakras o čačepen pral kolende vin, kay gar patslo hi. Kova krell o Devel. T'mer hounte rakrenn o čačepen pral kolende vin, kay patsle hi. Vitsrenn koles dran t'mende vin, kay krell ko čilačo koova!

O Debleskro Drom 2021 (Sinte)

^12-13 Kowa hi gar maro koowa, te rakras o tchatchepen pral kolende win, kai gar patslo hi. Kowa krell o Dewel. Tumer hunte rakrenn o tchatchepen pral kolende win, kai patsle hi. Witsrenn koles dran tumende win, kai krell ko tchilatcho koowa!

1. Korintarja 5:12 ပူးပေါင်းရင်းမြစ်များ

Markus 4:11

Koy penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kol vavar, kay vin hi, ap kolende rakrau save labentsa, kay i khatedo čačepen dren hi,

Louka 12:14

Penas o Yezous ap koleste: “Romeha, kova hi gar miri boudi.”

Johanni 18:36

Koy penas o Yezous: “Miro them oun i menshe, kolengro ray me hom hi gar kay phoubyatar. Te vals miro them kay phoubyatar, oun ninna i menshe, kolengro ray me hom, palle kourans pen mire boudepangre i biboldentsa, te perap me gar an kolengre vasta. Me penau touke: Miro them oun mire menshe, kolengro ray me hom, hi gar kay phoubyatar.”

Kolossarja 4:5

Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

1. Tessalonikarja 4:12

Palle hounte lenn t'mer či kolendar, kay hi gar patslo. Oun yon rakrenn nay gar čilačes pral t'mende.

1. Timoteo 3:7

I phoureder hounte vell yek, pral koleste ninna kol menshe, kay gar patslo hi, mishto rakrenna. Yaake hounte ladjell lo pes gar, oun perell gar an o bengeskro vast.