1. Korintarja 5:1 - O Debleskro Lab 2024 (Sinte-Manouche)

¹ Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.

O Debleskro Drom 2021 (Sinte)

¹ Me shunom, te hi pash tumende i mursh, kai peskri dadeskri romjah sowella. Sawo tchilatcho koowa shunom me gomme gar pash kolende, kai gar patslo hi.

1. Korintarja 5:1 ပူးပေါင်းရင်းမြစ်များ

1. Mose 35:22

An ko tsiro har o Israel an ko them djivas, djas o Ruben pash o Yakobeskri vavar romyate, i Bilha, oun čivas pes pash late. Oun o Yakob shounas kova. O Yakobes his deesh-te-douy čave.

1. Mose 37:2

Kova hi ko liil, kay činlo hi pral o Yakobeskre čavende. O Yosef, i terno morsh, – yob his deesh-te-efta bersha phouro, – das yak ap i bakrende khetne peskre phralentsa. Kolla his i čave leskro dadeskre romyendar, i Bilha oun i Silpa. Oun te kran leskre phrala čilačo koova, penas lo kova pengro dadeske.

1. Mose 49:4

Divyo har i pani hals, pash yekate miri romyendar soval. Ap tiro dadeste i ladj anal. Doleske bouder gar ko pralstouno hal.

2. Samuel 16:22

Oun yon čivan i plarhteno kheer pre o Absalomeske pral ap leskro kheer. Oun kote anan le o Davideskre djouvyen. Oun o Absalom sovas kol djouvyentsa peskro dadestar. Oun o tselo Israel dikas kova.

2. Samuel 20:3

Har o baro ray David khere vas an o foro Yerusalem, las yob peskre deesh vavar djouvyen, kay moukas lo koy, te denn le garda ap o kheer, oun anas len an i vavar kheer, hoy pandlo hi. Oun yob dikas, te djal lenge mishto. Dren pash lende djas lo gar. Yaake his yon dren klidedo, bis te yon meran, oun djivan har djouvya, kolengro rom meras.

1. Familjakro liil 5:1

O Ruben his o Yakobeskro phoureder čavo. Doleske his les o čačepen, hoy o phoureder čaveske hi. Kova nashras lo, har sovas lo peskro dadeskri romyah. Oun o Rubeneskro čačepen vas i čavenge leskro phralestar Yosef dino. Ninna te his kova yaake, vas gar činlo an i familyakro liil, te his o Yosef o phoureder.

Jeremia 2:33

Har sik hatseh tou i drom, te less touke i vavar pirnes! Oun yaake djas tou pale te pale ap čilače dromma.

Ezekiel 16:47

Touke his gar doha, te djas ap lengre čilače dromma, oun te kress ko djoungelo koova, hoy yon kran! Na-a, tou val gomme čilačeder har yon, oun kral gomme djoungleder koova har yon kran.

Ezekiel 22:10

Ko yek sovell peskro dadeskri romyah, i vavar sovell i djouvyah, kolat i djouvyakro koova hi, ninna te kamell li kova gar.

3. Mose 18:8

Tou sovess gar i vavar romyah tiro dadestar, te aness kek ladj ap tiro dadeste.

3. Mose 20:11

Te sovell i morsh i romyah peskro dadestar, anell lo ladj ap peskro dadeste. Yob oun koy djouvel hounte hidjrenn pengri phagi, oun hounte venn maredo.

Amos 2:7

Yon stakrenn i čorvelen an i čik, oun i tiknen dran o drom. Doleske lenn le pengri phagi, oun khaytenn man gar. I morsh oun peskro dad djan dren pash i emligi djouvyate. Yaake anenn le ladj ap mande.

Bičepangre 15:20

Mer činah lenge i liil, oun penah lenge, te rhan le kek mass, hoy vas glan i figura anlo, hoy i menshe an-mangenn, har te vals li o Devel; te sovenn i morsha gar vavar djouvyentsa, vitar gar i djouvya vavar morshentsa; te rhan le kek mass i firhendar, kay o rat gar vin nashas, te piyenn le lendar vitar kek rat.

Bičepangre 15:29

Rhan kek mass, hoy vas glan i figura anlo, hoy i menshe an-mangenn, har te vals li o Devel. Piyenn kek rat! Rhan kek mass i firhestar, kay o rat gar vin nashas! I morshenge penah, te sovenn le gar vavar djouvyentsa. Oun i djouvyenge penah, te sovenn le gar vavar morshentsa. Te rikrenn t'men ap kova, hi kova mishto. Ačenn o Debleha!”

1. Korintarja 5:11

An ko liil činom t'menge, te venn t'mer kek mala kolendar, kay penenn pendar: “Me hom patslo” oun krenn vi-ladjedo koova, hi boklo pal i love, mangenn vavar koova an har o Debles, praasenn i vavaren, hi pipangre oun čorepangre. Te hi yek mashkral t'mende, kay krell savo koova, koleha rhan gar khetne!

1. Korintarja 6:13

O rhapen hi koy, te djal lo an o per. Oun o per hi o rhapaske koy. Vell yek dives, kay krell o Devel, te hi o rhapen oun o per bouder gar koy. O Devel kras men gar, te loubras mer trouyel. Mer ham koy o Yezouseske, maro rayeske. Oun yob hi ninna o ray pral maro mass.

1. Korintarja 6:18

Doleske penau t'menge: Ma loubrenn trouyel! Te kreh tou savo koova, čineh tou touke kokres an o mass. Hako vavar čilačepen kreh tou ap i vavarende. Te loubreh trouyel, kreh tou o čilačepen ap toute.

1. Korintarja 6:9

T'mer hounte djinenn, kolla, kay čilačo koova krenna, venn gar pash o Debleste an o bolepen, oun lenn gar ko lačo koova, hoy o Debles peskre čavenge hi. Ma rhorhenn t'men kokres! Kolla, kay vi-ladjedo koova krenna, venn gar pash o Debleste an o bolepen, vitar gar kolla, kay mangenn vavar koova an har o Debles, vitar gar kol morsha, kay rhorhenn pengri romyat i vavar djouvyah, vitar gar kol djouvya, kay rhorhenn pengro romes i vavar morsheha, vitar gar kol morsha, kay krenn vi-ladjedo koova vavar morshentsa oun čaventsa,

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

2. Korintarja 2:5

T'mer djinenn, pash t'mende hi yek, kay doukras t'men an o dji. Yob doukras gar man. Na-a, yob doukras boud t'mendar. Me nay penau gar, te doukras yob t'men halauteren.

2. Korintarja 7:12

Čačepah, har činom t'menge ko liil, krom kova gar koleske, kay kras ko čilačo koova. Vitar gar činom ko liil koleske, ap koleste ko vavar o čilačo koova kras. Na-a, me činom ko liil, te sikrenn t'mer o Debleste, kay kamenn t'mer lauter te krell, hoy me t'menge penom.

Galatarja 5:19

T'mer lauter djinenna, har kol menshe djivenna, kay krenn ko čilačepen, hoy an lende hi: I morsha sovenn vavar djouvyentsa. Oun i djouvya sovenn vavar morshentsa. I menshe krenn djoungelo koova oun vi-ladjedo koova.

Efesarja 5:3

T'mer han o Debleskre menshe. Doleske krenn kek vi-ladjedo oun djoungelo koova! Nashenn vitar gar pal i love! Hi gar mishto, te vell pral savo koova mank t'mende rakedo!

5. Mose 27:20

“Praasedo vell kova, hoy i romyah peskro dadestar sovell, oun yaake ladj ap peskro dadeste anell.” Oun i tsele menshe hounte penenn: Amen!

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

1. Tessalonikarja 4:7

O Devel das men gole, te djivas i djoudjo djipen. Yob das men gar gole, te kras djoungelo koova.

Debleskro tsiro 2:21

Me dom lat tsiro, te nay moukell li peskro čilačo drom. Oun yoy kamell gar peskro djoungelo koova te moukell.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

1. Samuel 2:24

Kova, hoy pral t'mende penlo vell mank o baro Debleskre menshende, hi gar mishto. Kanna moukenn kova!