1. Korintarja 4:8 - O Debleskro Lab 2024 (Sinte-Manouche)

⁸ T'mer krenn, har te vans čalo oun djinans halauter. T'mer krenn, har te vans bravelo. T'mer krenn, har te vans raya. Mer ham kek raya. Me kamoms, te vans čačepah raya. Palle vams mer t'mentsa khetne raya.

O Debleskro Drom 2021 (Sinte)

⁸ Tumer krenn, har te wans tchalo un djinans halauter. Tumer krenn, har te wans brawelo. Tumer krenn, har te wans raja. Mer ham kek raja. Me kamoms, te wans tchatchepah raja. Palle wams mer tumentsa khetne raja.

1. Korintarja 4:8 ပူးပေါင်းရင်းမြစ်များ

Gosewe laba 13:7

Kote hi yek, kay krell, har te vals lo bravelo. Oun les hi či. Oun kote hi yek, kay krell, har te vals lo čorvelo. Oun les hi boud bravlepen.

Gosewe laba 25:14

Kolla, kay penenn, te denn le čomone, oun palle denn le kova gar, kolla hi har volke oun i phourdepen, hoy denn kek brishin.

Jesaja 5:21

Djungeles djal kolenge, kay an pengre yaka kokres gosevo hi, oun pash pende kokres krenn, har te hayvenn le halauter.

Jeremia 28:6

“Amen! O baro Devel te krell yaake! Mou krell yob, te vell tiro lab čačo, hoy glan-vi penal, te anell lo ko kouč koova dran leskro kheer, hoy an o them Babilonia anlo vas, pale pale an kava foro, ninna kol tsele menshen, kay pandles krik anlo van.

4. Mose 11:29

O Mose penas ap leste: “Kreh tou kova mange? Me kamoms, te dals o baro Devel peskre tsele menshende peskro dourho, te vans le halauter Debleskre rakepangre, kay leskre laba vin kharenna.”

Mateo 5:1

Oun har yob kol tsele menshen dikas, djas lo ap i berga pre, oun beshas pes tele. Oun leskre mala van pash leste, te shounenn les le.

Louka 6:25

Bibarht vell ap t'mende, kay kanna čalo han. T'mer bokenna. Bibarht vell ap t'mende, kay kanna sana. T'mer rovenna, oun denn gole.

Bičepangre 26:29

O Paulo penas ap leste: “Tikno tsiro, rah tsiro, – me mangau o Debles, te vess tou oun kol tsele vavar, kay man kate shounan, patslo har me patslo hom. Hoy gar kamau, hi, te vess pandlo, har me.”

Remarja 12:3

O Devel his lačo ap mande, oun das man miri boudi, te penap leskro lab. Doleske penau hakeneske t'mendar: Kek te hadell pes pral o vavareste oun rikrell pes bareder oun feteder! Hakeno las peskro patsepen o Deblestar. Doleske hounte vell lo gosevo, te dikell lo oun te hayvell lo, hoy les o Deblestar dino vas.

1. Korintarja 1:5

Yob das t'men boud gosvepen, te nay penenn o Debleskro lab, oun te hayvenn t'mer, hoy yob kamell t'menge te penell.

1. Korintarja 4:18

Pash t'mende hi menshe, kay phourdenn pen pre oun krenn, har te voms gar pale pash t'mende.

1. Korintarja 5:6

T'mer sharenn t'men. Oun kova hi gar mishto. Djinenn t'mer gar, te krell i tikno kotar shoutlo yarro ko tselo vavar yarro shoutlo?

2. Korintarja 11:1

Moukenn man yek kopo yaake te rakrap, har te voms dinelo! Shounenn, hoy kamau t'menge te penell!

2. Korintarja 13:9

Ninna te ham mer gar zorelo, ham barhtelo, te han t'mer zorelo. Mer kamah, te venn t'mer an o čačepen glan o Debleste tardo, oun kova mangah lestar.

Galatarja 6:3

Koon patsella, kay yob feteder hi har ko vavar, oun hi kova gar, kova rhorhell pes kokres.

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Filiparja 2:12

Mire kamle phrala oun phenya, t'mer shounan hako tsiro ap kova, hoy me t'menge penom, har pash t'mende homs, ninna kanna, kay gar pash t'mende hom. Me penau t'menge: Krenn lauter, te ačenn ap o Debleskro drom, bis te han pash leste! Shounenn ap o Debleste, oun trashenn lestar!

Debleskro tsiro 3:17

T'mer penenna: Mer ham bravelo, oun men hi halauter; či hounte vell men bouder. Me penau t'menge: T'mer djinenn gar, te han an i bibarht, yaake te khaytenn t'mer man. T'mer han čorvelo oun nango oun korelo.

Debleskro tsiro 5:10

Oun tou kreh lendar raya oun rashaya maro Debleske. Oun yon venn raya pral i tseli phoub.