1. Korintarja 3:17 - O Debleskro Lab 2024 (Sinte-Manouche)

¹⁷ Koon o Debleskro kheer paash krella, koles phagella o Devel. O Debleskro kheer hi o Debleske. Oun kava kheer han t'mer.

O Debleskro Drom 2021 (Sinte)

¹⁷ Koon o Debleskro kheer paash krella, koles phagella o Dewel. O Debleskro kheer hi o Debleske. Un kau kheer han tumer.

1. Korintarja 3:17 ပူးပေါင်းရင်းမြစ်များ

1. Mose 28:17

Oun yob daras oun penas: “Har darenes hi kay platsa, – hi čačepah o Debleskro kheer oun o voudar an o bolepen.”

1. Familjakro liil 29:3

Te krap o kheer miro Deblestar yaake shoukar har djala, dau ninna dran miro bravlepen

Debleskri gili 74:3

Ab kay oun dik kol barra čiddo, hoy tiro kheer his. Halauter hi paash dino kolendar, kay hadan pen pral toute.

Debleskri gili 79:1

I gili, hoy o Asaf kras. Maro Devel, menshe dran vavar themma peran an tiro them dren; tiro kheer, hoy touke kokres his, kran le pale-čiddo. Oun o foro Yerusalem dan le paash.

Debleskri gili 93:5

Tiro lab hi o čačepen, oun tiro kheer hi hako tsiro touke kokres, baro Devel, yaake rah har i phoub koy hi.

Debleskri gili 99:9

Hadenn maro baro Debles! Mangenn les an ap leskri berga, kay yob djivella. Maro baro Devel kokres hi o čačo Devel.

2. Mose 3:5

Penas o Devel: “Ma dja doureder! Rib tire kirrha vin! Kay tou tardo hal, hi o Debleskri phoub.”

Jesaja 64:11

Baro Devel, kameh tout pash kava lauter kanna gomme pale rikrell? Kameh tou či penell, oun mari ladj gomme doureder oun bareder te krell?

Ezekiel 43:12

Glan halauter hounte vell dre-rikedo, te hi koy tseli platsa pral ap i berga, kay miro kheer tardo hi, kokres mange koy. Ninna halauter, hoy koy trouyel hi, hi mange.

Ezekiel 5:11

T'mer kran miro kheer pale-čiddo kol rhorhene deblentsa oun djoungelo koveha, hoy kote kran, penau me, o baro Devel, t'maro ray. Doleske dau man sovel, me o djido Devel, te dap t'men paash. T'mer khaytenn man bouder gar oun me krau miro dji bouder gar t'menge pre.

Ezekiel 7:22

Oun me rissrau miro shero krik mire menshendar. Oun vavar menshe krenna, te vell kova pale-čiddo, hoy mange yaake kouč hi. Ava, randepangre phagenn dren oun krenn, te nay djivau me bouder gar koy.

3. Mose 15:31

Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.

3. Mose 20:3

Me dikau čilačes ap hakeneste, kay kova krell, oun me moukau les bouder gar te djivell mank peskre menshende. Yob das yek peskre čavendar o Molokeste, oun kras yaake miro kheer pale-čiddo, oun kras mantsa, har te voms gar kokres o čačo Devel.

Zefanja 3:4

Lengre dikepangre krenn, har te vell či, oun hi pherdo rhorhepen. Lengre rashaya krenn savo koova, hoy krell o Debleskro kheer pale-čiddo, oun penenn o Debleskro lab gar čačes doureder.

4. Mose 19:20

Koon vas pale-čiddo oun kamell gar, te vell lo thodo ko panyeha, kova hounte vell infam kerdo oun nay djivell bouder gar mank i Israelitarya. Yob kras o baro Debleskro kheer pale-čiddo, oun ko pani, hoy lell o pale-čiddo koova krik, vas gar ap leste vitsedo. Doleske ačell lo pale-čiddo.

1. Korintarja 3:16

Djinenn t'mer gar, kay han t'mer o Debleskro kheer, oun kay o Debleskro Dourho an t'mende djivella?

1. Korintarja 3:18

Ma rhorhenn t'men kokres! Koon patsella, te hi lo gosevo ap kay phoub, kova hounte dikell dren, te molella leskro gosvepen či.