1. Korintarja 3:1 - O Debleskro Lab 2024 (Sinte-Manouche)

¹ Mire phrala, me nay rakrom t'mentsa gar har patslentsa, kay djivenn yaake, har o Debleskro Dourho kamella. Me hounte rakrom t'mentsa har kolentsa, kay djivenn pengro phouro djipen. T'mer hans har tikne čave an o patsepen.

O Debleskro Drom 2021 (Sinte)

¹ Mire phrala, me nai rakrom tumentsa gar har patslentsa, kai djiwenn jaake, har o Debleskro Ducho kamella. Me hunte rakrom tumentsa har kolentsa, kai djiwenn pengro phuro djipen. Tumer hans har tikne tchawe an o patsepen.

1. Korintarja 3:1 ပူးပေါင်းရင်းမြစ်များ

Mateo 16:23

O Yezous rissras pes trouyel, oun penas ap o Petreste: “Dja touke, tou beng! Tou kameh man o Debleskro dromestar tele te anell. Tou kameh gar, hoy o Devel kamella. Na-a, tou kameh, hoy i menshe kamenna.”

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

1. Korintarja 14:20

Mire phrala, ma avenn har tikne čave, kay gomme gar boud djinenna. Avenn gosevo har i phoure! Pash čilačo koova, avenn har tikne čave, hoy o čilačepen gar hayvenna!

1. Korintarja 14:37

Te patsell yek t'mendar, kay o Devel rakrell leha, oun kay o Debleskro Dourho les o Debleskro koova sikrell, yaake hayvell yob, te hi kava gar mandar, hoy me kate činau. Kava hi o Deblestar.

1. Korintarja 2:6

Kova, hoy mer penah i patslenge, hi o Debleskro gosvepen. Kava gosvepen hi gar har ko gosvepen, kay vell kol menshendar, kay prindjrenn o Debles gar, vitar gar har o gosvepen kolendar, kay hi raya ap kay phoub. Kolla hounte merenn.

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

Hebrearja 5:13

I thoud hi i tikne čavenge, kay djinenn gar, hoy hi lačo oun čilačo.

1. Johanni 2:12

Čovale, me činau t'menge kava lab, te bistrenn t'mer gar, kay o Yezous Kristo meras t'menge. O Devel las t'mari doosh t'mendar.