1. Korintarja 2:8 - O Debleskro Lab 2024 (Sinte-Manouche)

⁸ Kova prindjran i raya ap kay phoub gar. Te nay dikans le an o Debleskro dji, dans le o Yezouses, ko rayes pral i tsele rayende, gar ap o troushel.

O Debleskro Drom 2021 (Sinte)

⁸ Kowa prindjran i raja ap kai phub gar. Te nai dikans le an o Debleskro dji, dans le o Jesuses, ko rajes pral i tsele rajende, gar ap o trushel.

1. Korintarja 2:8 ပူးပေါင်းရင်းမြစ်များ

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Louka 23:34

Koy penas o Yezous: “Miro dad, le i doosh kolendar krik, kay man ap o troushel dan! Yon djinenn gar, hoy yon kran.” Oun i lourde khelan pral leskre koola, te dikenn le, hoy hakeno lella.

Johanni 16:3

Yon prindjrenn o dades gar oun man vitar gar. Doleske krenn yon kova.

Johanni 7:48

“Patsell yek i pralstunendar oun i Farisarendar ap leste? Na-a!

Johanni 8:19

Poučan yon lestar: “Kay hi tiro dad?” Penas o Yezous: “T'mer prindjrenn man gar, vitar gar miro dades. Te prindjrans t'mer man, yaake prindjrans ninna miro dades.”

Bičepangre 13:27

Kolla, kay djivenn an o foro Yerusalem, oun lengre pralstoune hayvan gar, koon o Yezous hi. Yon hayvan vitar gar kol laba, hoy o Debleskre rakepangre pral leste penan, ninna te venn kal laba hako Debleskro dives an i biboldengre kangria dravedo. Har yon o Yezouses ap o troushel dan, kran yon kova, hoy o Debleskre rakepangre glan i rah tsiro penan.

Bičepangre 7:2

Koy penas o Stefano: “T'mer phrala oun dada, shounenn! Maro baro oun raylo Devel moukas pes maro dadestar Abraham te dikell an o them Mesopotamia. Ap ko tsiro djivas o Abraham gomme gar an o foro Haran.

1. Korintarja 1:20

Hoy nay penah mer pral kol goseve menshende? Oun hoy nay penah pral kolende, kay hi činepangre oun rakepangre ap kay phoub? Yon prindjrenn o Debles gar. Doleske hi lengro gosvepen an o Debleskre yaka dinlepen.

1. Korintarja 2:6

Kova, hoy mer penah i patslenge, hi o Debleskro gosvepen. Kava gosvepen hi gar har ko gosvepen, kay vell kol menshendar, kay prindjrenn o Debles gar, vitar gar har o gosvepen kolendar, kay hi raya ap kay phoub. Kolla hounte merenn.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

Efesarja 1:17

te dell lo t'men gosvepen, te hayvenn t'mer, har baro yob hi. Yob hi o Devel maro rayestar, o Yezous Kristestar, oun maro dad an o bolepen, o ray pral halauter.

Efesarja 4:18

O Deblestar kamenn le či te djinell. Lengro dji hi har i bar. Yaake djan le ap i čilačo drom, oun prindjrenn ko djipen gar, hoy o Devel della.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

Jakobo 2:1

Mire phrala, t'mer patsenn ap maro rayeste, o Yezous Kristeste. Yob hi o ray pral i tsele rayende. Doleske, ma dikenn ap i menshende, koon yon hi, oun har bravelo yon hi!