1. Korintarja 2:7 - O Debleskro Lab 2024 (Sinte-Manouche)

⁷ Mer rakrah pral o Debleskro gosvepen, hoy i menshe gomme gar prindjrenna. O bolepen oun i phoub his gomme gar koy, har his o Debles an o dji, te djivas mer leha khetne an leskro raylepen.

O Debleskro Drom 2021 (Sinte)

⁷ Mer rakrah pral o Debleskro goswepen, hoi i menshe gomme gar prindjrenna. O bolepen un i phub his gomme gar koi, har his o Debles an o dji, te djiwas mer leha khetne an leskro railepen.

1. Korintarja 2:7 ပူးပေါင်းရင်းမြစ်များ

Debleskri gili 78:2

Me kamau te rakrap i goseve labentsa pral i phoure tsirya.

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Mateo 13:35

Oun yaake vas kova čačo, hoy o Debleskro rakepaskro glan i rah tsiro penas: O Devel penas: Me rakrau ap lende save labentsa, kay i khatedo čačepen dren hi. Me penau lenge kova, hoy kek mensho djinas, yaake rah har i phoub tardo hi.

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

Remarja 8:29

Har rodas lo len vin, his an leskro dji, te venn le yaake har peskro čavo. Kova te vell o phoureder mank boud phralende oun phenyende.

Remarja 8:30

Kolen yob vin rodas, kolen das lo ninna gole, te djivenn le leha khetne. Oun kolen, kay yob gole das, kolen čivas lo an o čačepen. Oun kolen, kay yob an o čačepen čivas, kolen kras lo ninna erligo, te djivenn le leha khetne an leskro raylepen.

1. Korintarja 2:1

Mire phrala, har vom pash t'mende, te sikrap t'mende o Debleskro drom, hoy t'mer gar prindjran, krom me kova gar bare oun goseve labentsa.

Efesarja 1:4

Har o bolepen oun i phoub gar koy his, rodas lo men vin, te djas ap o Yezouseskro drom. Yob rodas men vin, te dell lo men i djoudjo dji, te hatsell lo kek doosh ap mende. Yaake boud kamas lo men,

Efesarja 3:10

Kanna dikenn i raya oun i pralstoune an o bolepen, har baro o Debleskro gosvepen hi. Kova dikenn le ap kova, hoy yob i patslenge kras.

2. Timoteo 1:9

Yob las men dran o čilačepen vin, oun das men gole, te djivas leha khetne. His gar dran maro lačo koova, te das lo men gole. Na-a. Kova his an leskro dji, te vas lo menge lačes. Har o bolepen oun i phoub gomme gar koy his, his an leskro dji, te bičrell lo o Yezous Kristes menge ap i phoub.

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

Hebrearja 11:3

Dran maro patsepen hayvah, te vas o bolepen oun i phoub kerdo dran o Debleskro rakepen. Lauter, hoy kanna dikah, kova kras o Devel dran kova, hoy nay dikah gar.

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.

1. Petro 5:1

Kanna rakrau ap kolende, kay hi i phoureder mank t'mende. Me hom ninna i phoureder, oun dikom mire yakentsa, har o Yezous Kristo ap o troushel meras. Oun ap ko dives, kay vell peskro tselo raylepen diklo, hom me ninna pash leste. T'menge penau zoreles:

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

2. Petro 1:3

Yob hi baro oun raylo, oun his menge lačo, oun das men pash peste gole. Har lam les an maro dji pre, das men o Devel an peskri zoor halauter, hoy men hounte vell, te djivas maro djipen yaake, har yob kamella.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.