1. Korintarja 2:14 - O Debleskro Lab 2024 (Sinte-Manouche)

¹⁴ I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

O Debleskro Drom 2021 (Sinte)

¹⁴ I mensho, koles o Debleskro Ducho gar hi, haiwell gar, hoi o Debleskro Ducho penella. O Debleskro koowa hi leske dinlepen. Ko mensho nai dikell gar, har o Dewel kowa dikella.

1. Korintarja 2:14 ပူးပေါင်းရင်းမြစ်များ

Gosewe laba 14:6

I pre-phourdo, te rodell lo o gosvepen, hatsell lo les gar. Kova, kay peskro djiyeha rakrell, koleske hi gar phares čomone dren te dikell.

Mateo 16:23

O Yezous rissras pes trouyel, oun penas ap o Petreste: “Dja touke, tou beng! Tou kameh man o Debleskro dromestar tele te anell. Tou kameh gar, hoy o Devel kamella. Na-a, tou kameh, hoy i menshe kamenna.”

Johanni 10:20

Boud lendar penan: “I beng hi an leste oun yob hi dinelo. Ma shounenn ap leste!”

Johanni 12:37

Ninna te kras yob boud baro oun zorelo koova glan lende, kay kek mensho nay krella, patsan yon gar ap leste.

Johanni 14:17

Kova hi o Debleskro Dourho, kay penell i menshenge o čačepen pral o Debleste. Kolla, kay patsenn gar ap o Debleste, nay lenn les gar. Yon dikenn les gar oun prindjrenn les gar. T'mer prindjrenn les. Yob ačell pash t'mende, oun hi an t'mende.

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Johanni 8:43

Hoske hayvenn t'mer miro rakepen gar? T'maro dji hi pandlo. T'mer shounenn nay miro lab gar.

Bičepangre 16:14

Koy his i djouvel, kay mangas kote o Debles an. Yoy his i bikepaskretsa oun bikras ripya dran lolo than. Koya kharas Lydia. Yoy his dran o foro Tiatira. Kolake kras o ray Yezous o dji pre. Oun yoy shounas, hoy o Paulo penas, oun vas patslo.

Bičepangre 17:18

Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Bičepangre 17:32

Har shounan le, kay rakrell o Paulo pral i morsheste, kay moulo his oun pale djido vas, his lenge sapaske. Vavar penan: “Tou te peness menge pral ko koova i vavar kopo boudeder.”

Bičepangre 18:15

T'mer čingrenn pral o biboldengro patsepen, oun pral o Moseskre laba. Doleske anenn les glan t'mare čačepangre! Me dau les gar i phagi.”

Bičepangre 25:19

Yon čingran pen pral o biboldengro patsepen oun pral i morsheste, kay kharas Yezous, oun kay meras. Oun kolestar penas o Paulo, te hi lo djido.

1. Korintarja 1:18

Maro rakepen pral o Yezouseskro merepen ap o troushel hi dinlepen kolenge, kay djan nashedo. Mer, kay ham ap maro drom an o bolepen, dikah an ko lab o Debleskri bari zoor.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

1. Korintarja 1:23

Mer penah i menshenge, kay o Yezous Kristo ap o troushel hounte meras. Pral kova hi i bibolde rhoyemen. Oun i vavar menshenge hi kova dinlepen.

1. Korintarja 1:25

Ninna te penenn i vavar menshe: “Kova, hoy o Devel krella, hi dinlepen,” hi yob gosveder har i menshe. Ninna te penenn le: “O Debles hi kek zoor,” hi yob zorleder har yon.

1. Korintarja 15:44

Kova, hoy paskedo vella, his i mensho dran mass oun rat. Kova, kay i moulendar pre stella, hi i nevo mensho, koles o Debleskro Dourho djido kras. Yaake har della o menshes dran mass oun rat, – kova merella – yaake della ninna o nevo menshes, koles o Debleskro Dourho djido kras. Kova merella bouder gar.

1. Korintarja 15:46

Ko djipen, hoy yob della, vell pal o djipen, hoy hi men kanna ap kay phoub.

1. Korintarja 2:12

An maro shero hi bouder gar ko koova, hoy hi kol menshen an pengro shero, kay prindjrenn o Debles gar. Mer lam o Debleskro Dourho. Doleske djinah, hoy o Devel menge kras.

1. Korintarja 3:1

Mire phrala, me nay rakrom t'mentsa gar har patslentsa, kay djivenn yaake, har o Debleskro Dourho kamella. Me hounte rakrom t'mentsa har kolentsa, kay djivenn pengro phouro djipen. T'mer hans har tikne čave an o patsepen.

Jakobo 3:15

Savo gosvepen vell gar o Deblestar. Kova vell o menshestar oun o bengestar.

1. Johanni 2:20

T'mer lan o Debleskro Dourho, oun lestar djinenn t'mer kova lauter.

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

Judas 1:19

An lengro shero hi phoubyakro koova. Oun an lengro dji hi gar o Debleskro Dourho. Kolla anenn čingepen oun krenn, te rikrenn i patsle bouder gar khetne.