1. Korintarja 2:13 - O Debleskro Lab 2024 (Sinte-Manouche)

¹³ Kava koova penah i menshenge. Kova krah mer gar labentsa, hoy venna dran o menshengro gosvepen. Na-a, mer rakrah kova, hoy o Debleskro Dourho menge penella. Yob krell, te hayvas mer o Debleskro koova, oun sikrah kova kolende, kolen ninna o Debleskro Dourho hi.

O Debleskro Drom 2021 (Sinte)

¹³ Kau koowa penah i menshenge. Kowa krah mer gar labentsa, hoi wenna dran o menshengro goswepen. Na-a, mer rakrah kowa, hoi o Debleskro Ducho menge penella. Job krell, te haiwas mer o Debleskro koowa, un sikrah kowa kolende, kolen ninna o Debleskro Ducho hi.

1. Korintarja 2:13 ပူးပေါင်းရင်းမြစ်များ

Louka 12:12

O Debleskro Dourho sikrell t'men ap ko tsiro, hoy t'mer hounte penenna.

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

1. Korintarja 1:17

O Yezous Kristo bičras man gar, te taufrap i menshen. Yob kamell te penap o lačo lab lestar i menshenge. Me penau kova gar goseve labentsa. Te rakroms me goseve labentsa, merals o Yezous Kristo čičeske ap o troushel.

1. Korintarja 14:2

Kova, kay rakrella an i rakepen, hoy o Debleskro Dourho les das, oun hoy kek hayvella, kova rakrell gar i menshenge. Yob krell kova o Debleske. O Debleskro Dourho dell les koy zoor, te rakrell lo, hoy kek mensho djinella.

1. Korintarja 2:1

Mire phrala, har vom pash t'mende, te sikrap t'mende o Debleskro drom, hoy t'mer gar prindjran, krom me kova gar bare oun goseve labentsa.

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

1. Korintarja 2:4

Me rakrom t'mentsa gar zorele oun goseve labentsa, te anap t'men ap o Debleskro drom. Na-a, o Debleskro Dourho rakras zoreles ap t'mende,

1. Korintarja 9:11

Te anam mer t'menge o Debleskro lab, nay denn t'mer men ninna te rhal.

Efesarja 5:19

Givenn lauter khetne o Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Givenn oun bashrenn o tselo djiyestar o Yezouseske, maro rayeske!

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

2. Petro 1:16

Mer penam t'menge, te vell maro ray, o Yezous Kristo, i bari zoryah pale. Kova hi kek gosevi parmissa. Na-a. Mer dikam leskro baro raylepen mare yakentsa.