1. Korintarja 16:9 - O Debleskro Lab 2024 (Sinte-Manouche)

⁹ Kate nay boudrau me mishto o Debleske, ninna te hi kate boud menshe, kay krenn mange miri boudi phares.

O Debleskro Drom 2021 (Sinte)

⁹ Kate nai budrau me mishto o Debleske, ninna te hi kate bud menshe, kai krenn mange miri budi phares.

1. Korintarja 16:9 ပူးပေါင်းရင်းမြစ်များ

Bičepangre 14:27

Oun o Paulo oun o Barnabas van kanna pale pale an kava foro. Kote dan le i patslen khetne gole, oun penan lenge, kay o Devel lentsa his, oun har boud koova yob kras, oun har yob ninna kolen, kay kek bibolde hi, pash peste gole das, oun yon ap leskro drom van.

1. Korintarja 15:32

An o foro Efesus kourom man me menshentsa, kay yaake hi har divye firhe. Te patsoms me gar, kay i moule pre stenna, kroms me kova gar. Te stenna i moule gar pre, hi kol vavaren čačo, te penenn le: “Rhas oun piyas! Taysar nay ham moulo!”

2. Korintarja 1:6

Te vell pharo koova ap mende, vell kova, te venn t'mare djia zoreles, oun te lenn t'mer o Debleskro djipen. Te kras o Devel mare djia zoreles, venn ninna t'mare djia zoreles. Oun t'mer nay rikrenn kol douka vin, hoy ap mende ninna hi.

2. Korintarja 2:12

Har vom me an o foro Troas, te penap kote o lačo lab o Yezous Kristestar, kras o Devel i menshengre djia pre.

Filiparja 3:18

Me penom t'menge, oun penau les kanna pale i ropah: Boud menshe djivenn yaake, har te vals lenge o Yezouseskro merepen ap o troushel či moldo.

Kolossarja 4:3

Mangenn o Debles ninna menge, te krell lo menge i drom pre, te penas nay leskro lab i menshenge, te sikras lende, te hi o Yezous Kristo ko drom, kay anell men pash o Debleste. Kova djinan i menshe i rah tsiro gar. Har me kova i menshenge penom, vom doleske an o stilepen.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.