1. Korintarja 15:57 - O Debleskro Lab 2024 (Sinte-Manouche)

⁵⁷ Kanna parkrah men pash o Debleste. O merepen nashras peskri zoor pral mende. Maro ray, o Yezous Kristo, his zorleder har o merepen, oun las leskri zoor krik.

O Debleskro Drom 2021 (Sinte)

⁵⁷ Kanna parkrah men pash o Debleste. O merepen nashras peskri soor pral mende. Maro rai, o Jesus Kristo, his sorleder har o merepen, un las leskri soor krik.

1. Korintarja 15:57 ပူးပေါင်းရင်းမြစ်များ

2. Rajengro liil 5:1

O baro rayes pral o them Syria his i pralstouno lourdo. Leskro lab his Naaman. Kova his i čačo morsh an peskro rayeskre yaka oun leske boud moldo. Har anas yob i Syrarya an o kourepen, kras o baro Devel, te venn yon i zorleder. I zorelo kourepaskro his lo, oun les his i djoungelo nasslepen ap peskro mass.

1. Familjakro liil 22:11

Kanna, miro čavo, mou vell o baro Devel ap tiri rig, te nay kreh tiro baro Debleske i kheer, yaake har yob toutar penas.

Debleskri gili 98:1

I gili Givenn o baro Debleske i nevi gili! Yob kras baro koova. Peskro vasteha oun Debleskri zoryah vas lo o zorleder pral o čilačepen.

Gosewe laba 21:31

Tou nay leh i kourepaskro gray oun djah an o marepen. Kova, kay krell, te vess o zorleder, hi o baro Devel.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Bičepangre 27:35

Oun har yob kova penas, las yob o maro, parkras pes pash o Debleste glan lauterende, phagas o maro, oun rhas.

Remarja 7:25

O Devel vell sharedo! Maro ray, o Yezous Kristo, kras kova! Pral miro dji hi o Devel o ray, oun me hom leske koy. Oun pral miro mass hi o čilačepen o ray.

Remarja 8:37

O Yezous Kristo, kay kamell men o tselo djiyestar, yob krell men zoreles an lauter kova hoy ap mende vella.

1. Korintarja 15:51

Shounenn, me penau t'menge, hoy kek djinella: Mer merah gar lauter. Vell i tsiro, koy lell men o Devel vin dran kova, hoy mer kanna ham, oun krell men vavarčandes.

2. Korintarja 1:11

Ninna mangan t'mer o Debles menge. Te mangenn boud menshe les menge, palle parkrenn pen ninna boud pash leste, te dikenn le o lačepen, hoy yob men das.

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

2. Korintarja 9:15

Parkras men pash o Debleste! Yob das men peskro baro kamlepen, kay hi yaake baro, te nay rakrah les gar vin.

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.