1. Korintarja 15:2 - O Debleskro Lab 2024 (Sinte-Manouche)

² Te rikrenn t'men ap o lačo lab o Yezousestar, yaake har me les t'menge penom, djan t'mer gar nashedo. Te vals kova vavarčandes, vals t'maro patsepen čičeske.

O Debleskro Drom 2021 (Sinte)

² Te rikrenn tumen ap o latcho lab o Jesusestar, jaake har me les tumenge penom, djan tumer gar nashedo. Te wals kowa wawartchandes, wals tumaro patsepen tchitcheske.

1. Korintarja 15:2 ပူးပေါင်းရင်းမြစ်များ

Gosewe laba 23:23

Mouk touke o čačepen oun o gosvepen boud moldo te vell! Mouk touke hako tsiro čomone te penell, te hayvess lauter mishto.

Gosewe laba 3:1

Miro čavo, ma biste kova, hoy touke sikrom, rike mire laba an tiro dji!

Gosewe laba 4:13

Ač pash kova, hoy touke siklo vas, mouk kova gar! Rike tout ap kol goseve laba! Dran lende vell tout i lačo djipen.

Louka 8:13

Ko kotar phoub, hoy hi pherde barra, hi har o dji kol menshendar, kay shounenn o Debleskro lab, oun lenn les barhteles pre. O lab vell gar zorelo an lengre djia. I tikno tsiro patsenn le. Oun te vell pharo tsiro ap lende, vitsrenn le pengro patsepen ap i rig.

Bičepangre 2:47

Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Bičepangre 8:13

Koy vas ninna o Simon patslo, oun moukas pes te taufrell. Palle ačas lo pash leste. Oun har o Simon ko baro oun zorelo koova dikas, hoy o Filipo an o Debleskri zoor kras, ačas leske o rakepen krik.

Remarja 1:16

Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi.

Remarja 11:22

Yaake dikah, o Devel nay vell lačo, oun yob nay dell i phagi. Kolla, kay peran leskro dromestar tele, kolen dell lo i phagi. Lačo hi lo ap t'mende, kay djivenn dran leskro lačepen. Te djivenn t'mer bouder gar dran leskro lačepen, činell lo t'men ninna tele.

1. Korintarja 1:18

Maro rakepen pral o Yezouseskro merepen ap o troushel hi dinlepen kolenge, kay djan nashedo. Mer, kay ham ap maro drom an o bolepen, dikah an ko lab o Debleskri bari zoor.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

1. Korintarja 11:2

Me hom barhtelo pral t'mende, te bistran t'mer gar, hoy me t'menge penom. Kova, hoy shounom oun t'menge penom, krenn t'mer.

1. Korintarja 15:14

Te stals o Yezous Kristo gar i moulendar pre, vals kova čičeske, hoy mer o Yezous Kristestar rakrah. Oun t'maro patsepen vals ninna čičeske.

2. Korintarja 2:15

Te rakrah o lačo lab o Yezous Kristestar, hi o Devel barhtelo pral kova. Kova hi leske har i shoukar soungepen, hoy djal pash kolende, kay lenn o Debleskro djipen oun ninna pash kolende, kay djan nashedo.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Galatarja 3:4

T'mer djan ap o Yezouseskro drom. Oun doleske kran i menshe t'menge o djipen phares. His kova lauter čičeske?

Efesarja 2:8

Dran peskro lačepen las lo t'men dran o čilačepen vin, har patsan ap o Yezous Kristeste. T'mer van nay gar dran t'mari zoor dran o čilačepen oun o merepen vin. Na-a! O Devel las t'men vin.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.

2. Tessalonikarja 2:15

Doleske ačenn zorelo, mire phrala! Rikrenn t'men ap kol laba, hoy mer t'menge penam, oun an mare lila t'menge činam.

2. Timoteo 1:9

Yob las men dran o čilačepen vin, oun das men gole, te djivas leha khetne. His gar dran maro lačo koova, te das lo men gole. Na-a. Kova his an leskro dji, te vas lo menge lačes. Har o bolepen oun i phoub gomme gar koy his, his an leskro dji, te bičrell lo o Yezous Kristes menge ap i phoub.

Hebrearja 10:23

Mer nay patsah o Debles, te krell lo kova, hoy yob penas. Yob rikrell peskro lab. Doleske rikras zoreles maro patsepen ap leste!

Hebrearja 2:1

Glan i rah tsiro penan i bolepangre mare phourenge, har hounte djan yon ap o Debleskro drom. Koon gar ap o Debleste shounas, oun gar ap leskro drom djas, kova las peskri phagi. Yaake zorelo hi o Debleskro lab. Doleske hounte das mer baro yak ap ko lab, hoy mer shounam, te djivas pal kova, oun te peras gar ko čačo dromestar tele.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Jakobo 2:14

Mire phrala, te penell yek, kay yob ap o Yezous Kristeste patsella, oun krell či leske, koleskro patsepen hi či moldo ap ko dives, kay yob glan o Debleste tardo hi.

Jakobo 2:17

Čačepah, te krenn t'mer kek lačo koova, hi t'maro patsepen moulo.

Jakobo 2:26

Yaake har o mensho moulo hi, te hi les kek dourho, yaake hi maro patsepen moulo, te krah kek lačo koova.