1. Korintarja 14:2 - O Debleskro Lab 2024 (Sinte-Manouche)

² Kova, kay rakrella an i rakepen, hoy o Debleskro Dourho les das, oun hoy kek hayvella, kova rakrell gar i menshenge. Yob krell kova o Debleske. O Debleskro Dourho dell les koy zoor, te rakrell lo, hoy kek mensho djinella.

O Debleskro Drom 2021 (Sinte)

² Kowa, kai rakrella an i rakepen, hoi o Debleskro Ducho les das, un hoi kek haiwella, kowa rakrell gar i menshenge. Job krell kowa o Debleske. O Debleskro Ducho dell les koi soor, te rakrell lo, hoi kek mensho djinella.

1. Korintarja 14:2 ပူးပေါင်းရင်းမြစ်များ

1. Mose 11:7

Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

1. Mose 42:23

Yon djinan gar, kay o Yosef lengro rakepen hayvas. Yob rakras lentsa an o egiptikro rakepen. Oun i vavar penas lenge, hoy yob penas.

2. Rajengro liil 18:26

Kote penas o Elyakim, koleskro dad o Hilkiya hi, oun o Shebna oun o Yoa ap ko pralstuneste, kay pash lende bičedo vas: “Mo ray, rake mentsa aramtikes! Mer nay hayvah ko rakepen. Oun ma rake mentsa hebretikes, te shounenn kova i menshe gar, kay kate ap i massouri tarde hi.”

Debleskri gili 78:2

Me kamau te rakrap i goseve labentsa pral i phoure tsirya.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Markus 16:17

Kolla, kay patsenn ap mande, krenn baro koova an o Debleskri zoor. An miro lab tradenn le bengen i menshendar vin, oun rakrenn an vavar rakepen.

Markus 4:11

Koy penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kol vavar, kay vin hi, ap kolende rakrau save labentsa, kay i khatedo čačepen dren hi,

Bičepangre 10:46

Yon shounan, har kol menshe an i vavar rakepen rakran, oun o Debles sharan. Koy penas o Petro ap lende:

Bičepangre 19:6

Oun o Paulo čivas i vasta ap lende, oun o Debleskro Dourho vas ap lende. Oun yon rakran an vavar rakepen, oun penan kova, hoy o Devel lende sikras.

Bičepangre 22:9

Kolla morsha, kay pash mande his, dikan nay koya momeli. Yon shounan gar kol laba, hoy yob ap mande penas.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

1. Korintarja 12:10

I vavares dell yob i zoor, te krell yob baro koova, hoy kek kokres pestar nay krella. Oun pale i vavar penell i menshenge, hoy o Devel leste sikras. Oun pale i vavar hayvella, hoy o Deblestar vella, oun hoy gar o Deblestar vella. Vavar rakrenn an vavar rakepen, hoy o Debleskro Dourho len das. Oun pale vavar penenn, hoy koy rakedo vas.

1. Korintarja 12:28

Kote, kay i patsle khetne venna, das o Devel hakenes i boudi. Peskre bičepangren das lo koy boudi, te penenn le i menshenge peskro lab. Oun vavar hi o Debleskre rakepangre, kay penenna, hoy o Devel len sikras. Koy hi ninna sikepangre, kay sikrenn i menshende o Debleskro drom, oun kolla, kay krenn baro koova an o Debleskri zoor, kay kek kokres pestar nay krella. Vavaren das yob i zoor, te krenn le i nasselen sasto. Hi patsle, kay hi o vavarenge koy, oun ninna vavar, kay rikrenn i patslen khetne, oun pale vavar, kay rakrenn nay an i vavar rakepen, hoy o Debleskro Dourho len das.

1. Korintarja 13:1

Ninna te rakroms me nay an hako rakepen, hoy i menshe oun i bolepangre rakrenna, oun te vals man gar o Debleskro kamlepen an miro dji, palle voms me har i bashepaskro, kay bashrell gar mishto. Leskro bashepen molella či.

1. Korintarja 13:2

Te vals man gar o Debleskro kamlepen an o dji, palle molals ninna kova či, te penoms me i menshenge, hoy o Devel mande sikras. Te vals man gar o Debleskro kamlepen an o dji, palle molals ninna kova či, te djinoms halauter, hoy i vavar gar djinenna oun te hayvoms ko tselo Debleskro drom. Te vals man gar o Debleskro kamlepen an o dji, palle molals ninna kova či, te vals man yek zorelo patsepen, te penoms ap i berge: Hadenn t'men, oun yon hadenna pen.

1. Korintarja 14:16

Te shareh tou o Debles an i rakepen, hoy o Debleskro Dourho tout das, oun koy hi yek, kay hayvell kova gar, har nay penell yob Amen ap kova, hoy tou penal?

1. Korintarja 14:26

Mire phrala, hi yaake: Te venn t'mer khetne, sharell ko yek o Debles i gilyah. I vavar sikrell, har te djan ap o Debleskro drom. Ninna i vavar penell, hoy o Devel les sikras. Pale i vavar rakrell an i rakepen, hoy o Debleskro Dourho les das. Oun i vavar nay penell, hoy koy rakedo vas. Lauter kova krenn, te venn i patsle zoreles an o patsepen!

1. Korintarja 15:51

Shounenn, me penau t'menge, hoy kek djinella: Mer merah gar lauter. Vell i tsiro, koy lell men o Devel vin dran kova, hoy mer kanna ham, oun krell men vavarčandes.

1. Korintarja 2:10

Men das o Devel peskro Dourho. Oun o Dourho sikrell men kova, hoy hi o Debles an o dji. O Debleskro Dourho dikell an halauter, ninna an o Debleskro dji.

1. Korintarja 2:7

Mer rakrah pral o Debleskro gosvepen, hoy i menshe gomme gar prindjrenna. O bolepen oun i phoub his gomme gar koy, har his o Debles an o dji, te djivas mer leha khetne an leskro raylepen.

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.

Kolossarja 2:2

Kova krau, te venn t'mer zoreles an t'maro dji, oun rikrenn khetne an o kamlepen. Ninna kamau, te hayvenn t'mer mishto o Debleskro drom, hoy i menshe i rah tsiro gar djinan. Ko drom hi o Yezous Kristo.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

1. Timoteo 3:9

Yon hounte rikrenn zoreles ap o čačepen, hoy o Devel sikras. Lengro patsepen hounte vell dran i djoudjo dji.

Debleskro tsiro 10:7

An kol divessa, kay o eftato bolepaskro rakrella, oun an peskri phourdepaskri phourdella, hi lauter kerdo, hoy o Debles an o dji his, te kras lo les yaake har yob ap peskre boudepangre penas, te vell kova.