1. Korintarja 13:6 - O Debleskro Lab 2024 (Sinte-Manouche)

⁶ Kones hi o Debleskro kamlepen an o dji, kova hi gar barhtelo pral o čilačepen. Yob hi barhtelo pral o čačepen.

O Debleskro Drom 2021 (Sinte)

⁶ Kones hi o Debleskro kamlepen an o dji, kowa hi gar bachtelo pral o tchilatchepen. Job hi bachtelo pral o tchatchepen.

1. Korintarja 13:6 ပူးပေါင်းရင်းမြစ်များ

Debleskri gili 10:3

Yob sharell pes pral kova, hoy lo kamell te krell. Oun kova, kay i meen gar pherdo lell, praasella o baro Debles oun sal pral leste.

Debleskri gili 119:136

Rovau boud sva pral kolende, kay moukenn tiro drom.

2. Mose 18:9

Kote vas o Yetro barhtelo pral ko tselo lačepen, hoy o baro Devel ap i Israelitarya kras, te las lo len dran o vast i Egiptarendar vin.

Gosewe laba 14:9

I dinele sanenn pral i doosh, hoy yon ap pende anan. O Devel dikell lačes ap kolende, kay o čačo drom djan.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Hosea 4:8

T'mer rashaya rhan ko mass, hoy denn i menshe o Debleste pengri doshake. Doleske han t'mer barhtelo pral i menshengri doosh.

Hosea 7:3

Pengro čilačepah krenn le o baro rayes barhtelo, oun pengro rhorhepah i pralstunen.

Micha 7:8

Ma san pral mande, t'mer, kay kamenn man tele te rikrell! Ninna te vom ap i phoub vitsedo, stau me pale pre. Ninna te hom an i kali rat beshdo, hi o baro Devel miri momeli.

Mateo 18:13

Čačepah, me penau t'menge: Oun te hatsell lo les, palle hi lo barhtleder pral ko yekeste, har pral kol tsele vavar, hoy khetne ačan.

Louka 22:5

Oun yon his barhtelo pral kova, oun kaman les love te dell, te nay taprenn le o Yezouses.

Remarja 1:32

Yon djinenna, o Devel dell kolen i phagi, kay yaake djivenna. Oun koy phagi hi o merepen. Ninna te djinenn le kova, krenn le ko čilačo koova, oun sharenn kolen, kay kova ninna krenna.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

Filiparja 1:18

Hoy te penap? Mange hi boud moldo, te vell o Yezouseskro drom i menshende siklo, yaake te yaake. Yek rakrell lestar dran i čilačo dji, oun i vavar dran i lačo dji.

Filiparja 1:4

Oun hako tsiro, kay mangau o Debles t'menge lauterenge, hom barhtelo pral t'mende.

Filiparja 3:18

Me penom t'menge, oun penau les kanna pale i ropah: Boud menshe djivenn yaake, har te vals lenge o Yezouseskro merepen ap o troushel či moldo.

2. Tessalonikarja 2:12

Yaake lenn kolla pengri phagi, kay kaman o čilačepen boudeder har o čačepen.

2. Johanni 1:4

Me homs barhtelo, kay hatsom menshe t'mendar, kay an o čačepen djivenna, yaake har o Devel, maro dad, kova kamella.