1. Korintarja 12:6 - O Debleskro Lab 2024 (Sinte-Manouche)

⁶ Oun della boud dromma, har o Debleskro Dourho an i patslende boudrella. Hi yek Devel, kolestar kova lauter vella.

O Debleskro Drom 2021 (Sinte)

⁶ Un della bud dromma, har o Debleskro Ducho an i patslende budrella. Hi jek Dewel, kolestar kowa lauter wella.

1. Korintarja 12:6 ပူးပေါင်းရင်းမြစ်များ

Hiob 33:29

Dik, kava lauter krell o Devel douy, triin kope an o djipen i menshestar,

Johanni 5:17

O Yezous penas lenge: “Miro dad boudrell o tselo tsiro. Yaake krau me kova ninna.”

1. Korintarja 12:11

Kova krell lauter ko yek Debleskro Dourho, oun yob dell hakenes kova yaake, har yob kamella.

1. Korintarja 12:5

Della boudeder boudi, hoy krenn i patsle o Debleske. Yon lauter boudrenna ko yek rayeske.

1. Korintarja 15:28

Te vas o Yezous Kristo o ray pral halauter, čivell yob pes ninna tel o Debleskro vast, te vell o Devel ninna o ray pral o čaveste. Oun o Devel kokres hi o ray pral halauter.

1. Korintarja 3:7

Kova, kay o djob an i phoub vitsrella, hi gar bareder har kova, kay o pani pre čorella. O Devel hi bareder, kay moukell o djob bares te vell.

Efesarja 4:6

Oun t'men hi o emligo Devel. Kova hi o dad lauterendar. Yob hi pral lauterende oun mashkral lende, oun djivell an lauterende.

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.

Kolossarja 1:29

Dran kova boudrau i tseli zoryah, hoy o Yezous Kristo an mande das.

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.