1. Korintarja 12:4 - O Debleskro Lab 2024 (Sinte-Manouche)

⁴ O Debleskro Dourho dell i patslende koy zoor, te nay boudrenn le o Debleske. Ninna te hi koy zoor pash hakeneste vavarčandes, hi yek Debleskro Dourho, kay dell yekes kava oun ko vavares kova.

O Debleskro Drom 2021 (Sinte)

⁴ O Debleskro Ducho dell i patslende koi soor, te nai budrenn le o Debleske. Ninna te hi koi soor pash hakeneste wawartchandes, hi jek Debleskro Ducho, kai dell jekes kawa un ko wawares kowa.

1. Korintarja 12:4 ပူးပေါင်းရင်းမြစ်များ

2. Mose 31:3

Me čivom miro dourho an leste, oun dom les gosvepen oun vasta, hoy hayvenn mishto te boudrell,

1. Korintarja 12:1

Mire phrala, kanna kamau me pral kova te rakrell, hoy o Debleskro Dourho an t'mende čivas.

1. Korintarja 12:28

Kote, kay i patsle khetne venna, das o Devel hakenes i boudi. Peskre bičepangren das lo koy boudi, te penenn le i menshenge peskro lab. Oun vavar hi o Debleskre rakepangre, kay penenna, hoy o Devel len sikras. Koy hi ninna sikepangre, kay sikrenn i menshende o Debleskro drom, oun kolla, kay krenn baro koova an o Debleskri zoor, kay kek kokres pestar nay krella. Vavaren das yob i zoor, te krenn le i nasselen sasto. Hi patsle, kay hi o vavarenge koy, oun ninna vavar, kay rikrenn i patslen khetne, oun pale vavar, kay rakrenn nay an i vavar rakepen, hoy o Debleskro Dourho len das.

1. Korintarja 12:5

Della boudeder boudi, hoy krenn i patsle o Debleske. Yon lauter boudrenna ko yek rayeske.

1. Korintarja 7:7

Ninna te kamoms, te vals hakeno gar romedino, yaake har me gar romedino hom, kova djal gar. Mer ham gar yek har o vavar. Yaake har o Devel kamella, hi yek romedino oun ko vavar romedinerell gar.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.

1. Petro 4:10

Hakeno t'mendar las i boudi o Deblestar, te nay krell lo i vavarengro patsepen zoreles. Krenn koy boudi! Avenn yek o vavareske koy! Yaake han t'mer lače boudepangre o Debleske.