1. Korintarja 11:7 - O Debleskro Lab 2024 (Sinte-Manouche)

⁷ I morsh hounte čivell kek stadi ap peskro shero. Yob vas kerdo pal o Debleste. Oun o Devel sharell pes leha. Yaake sharell pes o rom peskri romyah.

O Debleskro Drom 2021 (Sinte)

⁷ I mursh hunte tchiwell kek stadi ap peskro shero. Job was kerdo pal o Debleste. Un o Dewel sharell pes leha. Jaake sharell pes o rom peskri romjah.

1. Korintarja 11:7 ပူးပေါင်းရင်းမြစ်များ

1. Mose 3:16

Ap i romyate penas o Devel: “Me kamau touke phares te krell, te veh an vavar koova. Doukentsa aneh tou čaven ap i phoub. Oun tiro dji dell gole pal tiro romeste. Yob hi pral toute o ray.”

1. Mose 5:1

Kova hi ko liil, kay i laba činlo hi kol menshendar, kay van pal o Adam. Ap ko dives, har o Devel o menshes kras, kras les lo yaake har yob hi.

1. Mose 9:6

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

Debleskri gili 8:6

Tou kral les gar boud tikneder har tout kokres. Baro oun raylo kral tou les.

Gosewe laba 12:4

I romni, kay peskri boudi mishto krell, hi peskro romeske har shereskro sonakay. I romni, kay anell ladj ap peskro romeste, hi har i djoungelo nasslepen an leskre kokale.

1. Korintarja 11:3

Me kamau te djinenn t'mer, kay o Yezous Kristo hi o pralstouno pral hako morsheste. Oun o rom hi o pralstouno pral peskri romyate. Oun o Devel hi o pralstouno pral o Yezous Kristeste.

1. Korintarja 11:6

Te kamell i romni či ap peskro shero te čivell, nay moukell yoy ninna peskre balla tele te činell. Te venn lake i balla tele činlo, oun lat hi bouder kek balla ap o shero, hi kova lake i ladj. Doleske hounte čakrell li peskro shero.

2. Korintarja 8:23

O Tito hi miro maal oun boudrell mantsa t'menge. Kol vavar phrala van kol patslendar bičedo, kay an vavar gaba oun forya khetne venna. Kal douy phrala hi morsha, kay krenn o Debleske kek ladj, na-a, yon boudrenn yaake, te vell o Yezous Kristo sharedo.

Jakobo 3:9

I čipyah sharah mer o Debles, kay hi maro ray oun dad. Oun i čipyah praasah mer i menshen, kay o Devel kras yaake har yob hi.