1. Korintarja 11:5 - O Debleskro Lab 2024 (Sinte-Manouche)

⁵ Haki romni, kay mangell o Debles an, oun haki romni, kay penella, hoy o Devel late sikras, oun kova krell li, te hi lat či ap o shero, koya anella ladj ap peste. Kova hi yaake, har te vans lake i balla tele činlo.

O Debleskro Drom 2021 (Sinte)

⁵ Haki romni, kai mangell o Debles an, un haki romni, kai penella, hoi o Dewel late sikras, un kowa krell li, te hi lat tchi ap o shero, koja anella ladj ap peste. Kowa hi jaake, har te wans lake i balla tele tchinlo.

1. Korintarja 11:5 ပူးပေါင်းရင်းမြစ်များ

Jesaja 47:2

Le kol douy barra, kolentsa o djob tiknes kerdo vell, oun kre yarro! Čip ko diklo glan tire yaka pale, hade tiri tsorha pre, čake tire herya pre, oun dja an o pani!

Louka 2:36

An o foro Yerusalem djivas i phouri Debleskri rakepaskretsa. Yoy kharas Hanna. Lakro dad his o Penouel. Yob hi kol menshendar, kay venna pal o Asser. Efta bersha his i Hanna romedino.

Bičepangre 2:17

Ko tsiro vella, penell o Devel, kay me čivau miro Debleskro Dourho ap i tsele menshende. Oun t'mare čave oun ča dikenn nay glan-vi, hoy vella. Oun i terne morsha dikenn kova, hoy o Devel len sikrell, oun i phoure morsha denn souni.

Bičepangre 21:9

Koles his star ča, kay gar romedino his. Kolla ča his pherdo Debleskro Dourho, oun yon penan i patslenge, hoy o Devel lende sikras.

1. Korintarja 11:4

Hako morsh, kay mangell o Debles an, oun hako morsh, kay penella, hoy o Devel leste sikras, oun les hi i stadi ap o shero, kova anell ladj ap peste.

1. Korintarja 11:6

Te kamell i romni či ap peskro shero te čivell, nay moukell yoy ninna peskre balla tele te činell. Te venn lake i balla tele činlo, oun lat hi bouder kek balla ap o shero, hi kova lake i ladj. Doleske hounte čakrell li peskro shero.

1. Korintarja 14:34

Te venn t'mer khetne an o Debleskro kheer, ma moukenn i djouvyen te rakrell. Yon hounte shounenn ap kova, hoy penlo vella. Yaake hi ninna činlo an o Moseskre lila.

5. Mose 21:12

palle nay anell lo lat an peskro kheer. Kote hounte činell li peskre shereskre bal oun peskre naya.