1. Korintarja 11:2 - O Debleskro Lab 2024 (Sinte-Manouche)

² Me hom barhtelo pral t'mende, te bistran t'mer gar, hoy me t'menge penom. Kova, hoy shounom oun t'menge penom, krenn t'mer.

O Debleskro Drom 2021 (Sinte)

² Me hom bachtelo pral tumende, te bistran tumer gar, hoi me tumenge penom. Kowa, hoi shunom un tumenge penom, krenn tumer.

1. Korintarja 11:2 ပူးပေါင်းရင်းမြစ်များ

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

1. Korintarja 11:17

Kanna hounte penap t'menge čomone, kay nay sharau t'men gar. Te venn t'mer patsle khetne, krenn t'mer boudeder, hoy t'menge gar mishto hi, har te krans kova, hoy t'menge mishto hi.

1. Korintarja 11:22

Nay rhan oun piyenn t'mer gar khere? Hi kol patsle, kay o Debleske khetne venna, či moldo an t'mare yaka? Kamenn t'mer ladj ap kolende te anell, kolen či hi? Hoy penap me t'menge? Sharap me t'men? Na-a! Doleske sharau me t'men gar.

1. Korintarja 15:2

Te rikrenn t'men ap o lačo lab o Yezousestar, yaake har me les t'menge penom, djan t'mer gar nashedo. Te vals kova vavarčandes, vals t'maro patsepen čičeske.

1. Korintarja 4:17

Me bičrom o Timoteste pash t'mende. Kova hi miro kamlo oun lačo čavo an o patsepen. Yob penell t'menge, har me ko drom djau, hoy o Yezous Kristo sikras mande, oun har rakrau lestar an hake gaba oun forya, kay i patsle khetne venna.

1. Korintarja 7:17

Kova, hoy t'menge kanna penau, penau me i tsele patslenge, kote, kay yon khetne venna. Mer lauter hounte djivas maro djipen ap koy platsa, kay maro ray Yezous men čivas, oun hounte ačas koy pashel, hoy mer hams, har o Devel men gole das:

1. Tessalonikarja 1:6

Oun kova, hoy dikan t'mer ap mende, kova krenn t'mer kanna ninna, oun djivenn yaake, har o ray Yezous djivas. Har shounan t'mer o Debleskro lab, patsan les oun hans barhtelo pral kova, ninna te kran i menshe t'menge o djipen phares. Koy barht das o Debleskro Dourho an t'mende.

1. Tessalonikarja 3:6

Kanna vas o Timoteo pale, oun penas lačo koova pral t'maro patsepen oun kamlepen. Lestar djinah, mer ham hako tsiro an t'maro dji. Oun t'mer kamenn men pale te dikell, yaake har kamah mer t'men pale te dikell.

2. Tessalonikarja 2:15

Doleske ačenn zorelo, mire phrala! Rikrenn t'men ap kol laba, hoy mer t'menge penam, oun an mare lila t'menge činam.

2. Tessalonikarja 3:6

Mire phrala, an o lab maro rayestar, o Yezous Kristestar, penah t'menge zoreles: Rikrenn t'men kol phralendar krik, kay kamenn gar te boudrell! Yon djivenn gar yaake, har mer t'menge penam.