1. Korintarja 10:3 - O Debleskro Lab 2024 (Sinte-Manouche)

³ Oun yon halauter rhan ko yek rhapen, hoy vas o Deblestar.

O Debleskro Drom 2021 (Sinte)

³ Un jon halauter chan ko jek chapen, hoi was o Deblestar.

1. Korintarja 10:3 ပူးပေါင်းရင်းမြစ်များ

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Debleskri gili 105:40

Yon mangan lestar mass, oun yob moukas pesse čirkle te vell. O mareha dran o bolepen kras lo len čalo.

2. Mose 16:15

Kava dikan i Israelitarya oun penan yek ap o vavareste: “Hoy hi kava?” Yon djinan gar, hoy kova hi. O Mose penas ap lende: “Kava hi ko maro, hoy o baro Devel t'menge bičras.

2. Mose 16:35

Oun i Israelitarya rhan ko Manna star-deesh bersha, yaake rah bis te van le pash ko them Kanaan.

2. Mose 16:4

Kote rakras o baro Devel ap o Moseste: “Me moukau t'menge maro dran o bolepen tele te perell. Pen i menshenge te djan le hako dives vin, te lenn le penge yaake boud, har yon an yek dives nay rhan. Yaake nay dikap me palla, te kamenn le čačepah pal miro lab te djivell.

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.