1. Korintarja 10:10 - O Debleskro Lab 2024 (Sinte-Manouche)

¹⁰ Ma penenn, kay kova gar mishto oun doha hi, hoy o Devel t'men das. Yaake rakran kol vavar pale te pale. Oun yon van moulo dino.

O Debleskro Drom 2021 (Sinte)

¹⁰ Ma penenn, kai kowa gar mishto un doha hi, hoi o Dewel tumen das. Jaake rakran kol wawar pale te pale. Un jon wan mulo dino.

1. Korintarja 10:10 ပူးပေါင်းရင်းမြစ်များ

2. Samuel 24:16

Har sikras ko bolepaskro peskro vasteha ap o foro Yerusalem, te vell ko nasslepen koy, khaytas o baro Debles koy bibarht. Oun yob penas ap ko bolepaskro, kay anas o merepen pral i menshende: “Kanna hi doha! Le tiro vast lendar krik!” O Debleskro bolepaskro his tardo ap koy djobeskri platsa o morshestar Arauna. Kova his i Yebousari.

1. Familjakro liil 21:15

Oun o Devel bičras ko bolepaskres an o foro Yerusalem, te marell lo len an o foro. Har vas ko nasslepen koy, khaytas o baro Debles koy bibarht. Oun yob penas ap ko bolepaskro, kay anas o merepen pral i menshende: “Kanna hi doha! Le tiro vast lendar krik!” O Debleskro bolepaskro his tardo ap koy djobeskri platsa o morshestar Arauna. Kova his i Yebousari.

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Debleskri gili 106:25

An pengre plarhtene khera rakran le djoungeles pral leste, oun shounan gar ap o baro Debleste.

2. Mose 12:23

Oun o baro Devel djala mashkral o them, te dell lo i Egiptarya temerl. Te dikell lo o rat pral ap o voudar oun ap kol douy kashta, hoy čačes oun serves pash o voudar hi, palle djal yob doureder oun moukell koles, kay anell o merepen, gar pash t'mende dren te djal, te dell lo yekes t'mendar temerl.

2. Mose 15:24

Oun i menshe van rhoyedo ap o Moseste oun penan: “Hoy piyas mer?”

4. Mose 14:2

Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them!

4. Mose 16:11

Tou oun tire tsele menshe čivan t'men khetne, te hadenn t'men pral o baro Debleste. Kova hi gar o Aron, pral koleste hadan t'men.”

4. Mose 17:10

“Djan vin kol menshendar. Me kamau len ap yek kopo te marell.” Oun kol douy vitsran pen ap pengro mouy.

4. Mose 17:5

yaake har penas o baro Devel kova o Moseske. Kol sane sasterne patria his i sikepen, te denn kol Israelitarya yak, te vell kek morsh, kay gar o Aroneskre menshendar hi, oun anell soungepaskro koova glan o baro Debleste, te djal leske gar yaake har o Koraheske oun kolenge, kay pash leste his.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Filiparja 2:14

Lauter kova, hoy t'mer krenna, krenn les i barhtelo djiyestar, oun čingrenn gar!

Hebrearja 11:28

O Devel penas leske, havi bibarht pral o them Egiptia vella. Oun yob penas leske ninna, hoy i Israelitarya hounte krenn, te vell koy bibarht gar pral lende. Koy patsas o Mose, te vell kova čačo, hoy o Devel penas. Oun o Mose penas ap i Israelitarya, te marenn le bakren, oun te rhan le len – kava rhapen vas kharedo Passa – oun te makenn le i firhengro rat ap pengre voudya. Har palle o bolepaskro vas, te marell lo i tsele phoureder čaven, koy ačan i Israeleskre čave djido. Yon his an i khera, kay o rat ap i voudya hi.

Judas 1:16

Kolla hi save menshe, kolenge kova gar mishto doha hi, hoy o Devel len das. Oun yon rhoyrenn pen, kay lenge gar feteder djal. Yon djivenn pal pengro shero. Yon hi sharede, kay rakrenn shoukar labentsa i menshentsa, te lenn le lendar lačo koova.

Debleskro tsiro 16:1

Oun me shounom, har yek dran o Debleskro kheer bari gole das oun ap kol efta bolepangre penas: “Djan vin oun čorenn kol efta čare, kay pherdo Debleskri rholi hi, pral i phoub vin!”