1. Korintarja 1:5 - O Debleskro Lab 2024 (Sinte-Manouche)

⁵ Yob das t'men boud gosvepen, te nay penenn o Debleskro lab, oun te hayvenn t'mer, hoy yob kamell t'menge te penell.

O Debleskro Drom 2021 (Sinte)

⁵ Job das tumen bud goswepen, te nai penenn o Debleskro lab, un te haiwenn tumer, hoi job kamell tumenge te penell.

1. Korintarja 1:5 ပူးပေါင်းရင်းမြစ်များ

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Remarja 11:12

Har i bibolde peran o Debleskro dromestar tele, vas o Debleskri barht pash i tsele menshende ap i phoub. Oun kova, hoy i biboldenge gar mishto hi, vas i barht kolenge, kay kek bibolde hi. Te hi kova yaake, har boud bareder hi koy barht, te venn i tsele bibolde pale ap o Debleskro drom!

Remarja 15:14

Mire phrala, me djinau čačepah, t'maro dji hi pherdo lačepen. Oun t'mer djinenn lauter, hoy o Devel t'mendar kamella. Yaake nay sikrell ko yek o vavareste o čačo drom.

Remarja 15:4

Lauter kova, hoy an o phouro tsiro an o Debleskro lab činlo vas, vas činlo, te las mer nevi zoor dran o Debleskro lab, oun das maro patsepen gar pre, oun dikas ap ko lačepen, hoy o Devel men della, an ko tsiro hoy vella.

1. Korintarja 12:10

I vavares dell yob i zoor, te krell yob baro koova, hoy kek kokres pestar nay krella. Oun pale i vavar penell i menshenge, hoy o Devel leste sikras. Oun pale i vavar hayvella, hoy o Deblestar vella, oun hoy gar o Deblestar vella. Vavar rakrenn an vavar rakepen, hoy o Debleskro Dourho len das. Oun pale vavar penenn, hoy koy rakedo vas.

1. Korintarja 12:8

Ko yekes dell o Debleskro Dourho i gosevo lab, oun i vavares, te hayvell lo, hoy o Devel kamella. Oun yob penell kova i vavarenge doureder. Hi yek Debleskro Dourho, kay kova lauter krella.

1. Korintarja 13:2

Te vals man gar o Debleskro kamlepen an o dji, palle molals ninna kova či, te penoms me i menshenge, hoy o Devel mande sikras. Te vals man gar o Debleskro kamlepen an o dji, palle molals ninna kova či, te djinoms halauter, hoy i vavar gar djinenna oun te hayvoms ko tselo Debleskro drom. Te vals man gar o Debleskro kamlepen an o dji, palle molals ninna kova či, te vals man yek zorelo patsepen, te penoms ap i berge: Hadenn t'men, oun yon hadenna pen.

1. Korintarja 13:8

Vell i tsiro, kay čivell o Debleskro Dourho i patslenge bouder kek lab an o dji. Vell i tsiro, kay dell lo len bouder kek vavar rakepen. Vell i tsiro, kay hounte vell men bouder kek gosvepen. Yek ačella: o Debleskro kamlepen.

1. Korintarja 14:26

Mire phrala, hi yaake: Te venn t'mer khetne, sharell ko yek o Debles i gilyah. I vavar sikrell, har te djan ap o Debleskro drom. Ninna i vavar penell, hoy o Devel les sikras. Pale i vavar rakrell an i rakepen, hoy o Debleskro Dourho les das. Oun i vavar nay penell, hoy koy rakedo vas. Lauter kova krenn, te venn i patsle zoreles an o patsepen!

1. Korintarja 8:11

Oun ko phraal, koleske o Yezous Kristo meras, oun kay hi gar zorelo an o patsepen, nashrell peskro patsepen doleske, kay tou patseh, te hal gosevo.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

2. Korintarja 8:7

T'mer han bravelo an hako koova: t'maro patsepen hi baro; t'mer hayvenn har te penenn o Debleskro lab oun djinenn boud pral o Debleste; t'mer krenn i bari boudi o Debleske. Oun o kamlepen, hoy ap mende dikan, vas ninna bares an t'mende. Doleske kamah, te sikrenn t'maro baro dji ninna an kava koova oun čivenn yaake boud love khetne har djala i vavar patslenge.

2. Korintarja 9:11

Yob dell t'men yaake boud, te nay denn ninna kolen, kay len či hi. Te lenn yon kova, hoy mer anah lenge, palle parkrenn pen boud menshe pash o Debleste.

Efesarja 1:17

te dell lo t'men gosvepen, te hayvenn t'mer, har baro yob hi. Yob hi o Devel maro rayestar, o Yezous Kristestar, oun maro dad an o bolepen, o ray pral halauter.

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

Filiparja 1:9

Oun me mangau o Deblestar, te vell t'maro kamlepen bareder oun bareder, te hayvenn, hoy o Devel kamella, oun te djinenn, hoy te krenna.

Kolossarja 2:3

Yob kokres nay dell t'men o tselo gosvepen, te hayvenn o Debleskro lab mishto.

Kolossarja 3:10

Djivenn kanna o nevo djipen! Moukenn t'men o Deblestar boud oun boudeder neves te krell, yaake te prindjrenn o Debles feteder oun djinenn, hoy yob kamella! Palle venn t'mer yaake har yob, kay t'men o nevo djipen das.

Jakobo 3:13

Koon gosevo hi mank t'mende oun djinell boud, kova hounte sikrell dran peskro lačo djipen, kay hayvas lo, hoy mishto oun čačo hi. Oun yob sharell pes gar pral ko lačo koova, hoy yob kras.

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.