1. Korintarja 1:31 - O Debleskro Lab 2024 (Sinte-Manouche)

³¹ Kanna vell kova yaake, har o Debleskro lab penella: Te kamell pes yek te sharell, nay sharell lo kova, hoy o Devel leske kras.

O Debleskro Drom 2021 (Sinte)

³¹ Kanna well kowa jaake, har o Debleskro lab penella: Te kamell pes jek te sharell, nai sharell lo kowa, hoi o Dewel leske kras.

1. Korintarja 1:31 ပူးပေါင်းရင်းမြစ်များ

1. Familjakro liil 16:10

Sharenn koles, koon kokres o čačo Devel hi! Avenn barhteles pral leste, t'mer, kay rodenn o baro Debles!

1. Familjakro liil 16:35

Penenn: Maro Devel, ab ap mari rig! tou hal kova, kay lell men vin dran o čilačepen. Doleske le men vin dran i vasta kol vavar menshendar! An men pale lauter khetne, te sharas tout oun parkras men pash toute, kay kokres o čačo Devel hal.

Debleskri gili 105:3

Sharenn koles, koon kokres o čačo Devel hi! Avenn barhteles pral leste, t'mer, kay rodenn o baro Debles!

Debleskri gili 34:2

Me kamau o baro Debles te sharell hako tsireske, oun kamau gar tele moukell, te parkrap man pash leste.

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Jesaja 45:25

O baro Devel čivell o tselo Israel an o čačepen. Oun yon venn barhtelo pral kova, hoy me, o baro Devel, krom.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Remarja 4:2

Kras lo lauter, hoy mishto hi? Palle nay sharals pes lo glan i menshende, gar glan o Debleste.

1. Korintarja 4:6

Mire phrala, hoy me kanna penom, rakrau me mandar oun o Apollestar. Ap mende dikenn t'mer, har te ačenn ap kova, hoy an i lila činlo hi. Kek t'mendar hounte phourdell pes pre oun penell: “Me rikrau man ap o feteder sikepaskro.”

2. Korintarja 10:17

Koon kamell pes te sharell, kova hounte sharell kova, hoy o Yezous Kristo kras.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.