1. Korintarja 1:23 - O Debleskro Lab 2024 (Sinte-Manouche)

²³ Mer penah i menshenge, kay o Yezous Kristo ap o troushel hounte meras. Pral kova hi i bibolde rhoyemen. Oun i vavar menshenge hi kova dinlepen.

O Debleskro Drom 2021 (Sinte)

²³ Mer penah i menshenge, kai o Jesus Kristo ap o trushel hunte meras. Pral kowa hi i bibolde chojemen. Un i wawar menshenge hi kowa dinlepen.

1. Korintarja 1:23 ပူးပေါင်းရင်းမြစ်များ

Mateo 11:6

Oun barhtelo hi kova, kay rhoyrell pes gar pral mande!”

Mateo 13:57

Oun yon van rhoyedo ap leste, oun kaman gar te patsell, kay o Devel les bičras. Koy penas o Yezous ap lende: “Kek Debleskro rakepaskro vell kote sharedo, kay yob khere hi. An i vavar forya oun gaba vell lo sharedo.”

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

1. Korintarja 1:18

Maro rakepen pral o Yezouseskro merepen ap o troushel hi dinlepen kolenge, kay djan nashedo. Mer, kay ham ap maro drom an o bolepen, dikah an ko lab o Debleskri bari zoor.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

1. Korintarja 1:28

O Devel rodas kolen vin, kay an i menshengre yaka či molenna, oun kay gar mishto an-diklo hi, te sikrell lo, kova, hoy pash i menshende boud molella, hi pash leste či moldo.

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

1. Korintarja 2:2

Yaake rah, har homs pash t'mende, kamom me pral kek vavar koova te rakrell, har o Yezous Kristestar oun pral leskro merepen ap o troushel.

1. Korintarja 4:10

Mer rakrah o Yezous Kristestar. Oun doleske ham dinele glan i menshengre yaka. T'mer patsenn ap o Yezous Kristeste, oun doleske han goseve. Mer ham gar zorele, oun t'mer han zorele. Men sharenn le gar. T'men sharenn le.

2. Korintarja 4:5

Lestar rakrah mer, oun gar mendar. Mer penah i menshenge, o Yezous Kristo hi o ray. Oun mer ham leskre boudepangre oun boudrah t'menge.

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

Galatarja 5:11

Mire phrala, me te penoms i menshenge, te moukenn pen yon ap o mass te činell, lans i bibolde man gar palla. Palle rhoyrans le pen gar pral kova, kay rakrau pral o Yezouseskro merepen ap o troushel, oun penau lenge, kay yob kokres men pash o Debleste anella.

Galatarja 6:14

Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.