1. Korintarja 1:20 - O Debleskro Lab 2024 (Sinte-Manouche)

²⁰ Hoy nay penah mer pral kol goseve menshende? Oun hoy nay penah pral kolende, kay hi činepangre oun rakepangre ap kay phoub? Yon prindjrenn o Debles gar. Doleske hi lengro gosvepen an o Debleskre yaka dinlepen.

O Debleskro Drom 2021 (Sinte)

²⁰ Hoi nai penah mer pral kol gosewe menshende? Un hoi nai penah pral kolende, kai hi tchinepangre un rakepangre ap kai phub? Jon prindjrenn o Debles gar. Doleske hi lengro goswepen an o Debleskre jaka dinlepen.

1. Korintarja 1:20 ပူးပေါင်းရင်းမြစ်များ

2. Samuel 15:31

Oun har o Davideske penlo vas, kay o Ahitofel ap o Absalomeste rikrell, penas yob: “Baro Devel, kre te patsell hakeno, kay kova, hoy o Ahitofel penell, dinlepen hi!”

2. Samuel 16:23

An ko tsiro his i laba, hoy o Ahitofel rakras, yaake boud moldo har o Debleskre laba. O David oun o Absalom shounan ap lende, yaake har te poučans yon o Deblestar čomone, oun yob penals kava.

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

Hiob 12:17

Kol pralstoune, hoy i rayenge penenn, hoy te krenn le, kolendar lell lo lengro gosvepen krik, oun krell i čačepangre rayen dinelo.

Hiob 12:20

Kolla, kay nay rakrenn lačes glan i vavarende, kolenge lell lo i laba krik, oun i phourentsa krell lo, te djinenn le bouder gar hoy čačo hi oun hoy gar čačo hi.

Hiob 12:24

Yob krell, te venn lengre raya dinelo, oun krell, te nashenn le trouyel kote, kay kek drom hi.

Jesaja 33:18

Kova, hoy glan kava tsiro touke traash kras, vell tout an o shero, oun tou poučeh toutar: Kay hi kol činepangre, kay mendar love lan? Kay hi kol pralstoune, kolenge roup ap i vaga hounte čivam? Kay hi kova, kay pal dikas, har boud turme koy hi?

Jesaja 44:25

Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.

Jesaja 53:1

Koon patsals kova, hoy mer kanna shounam! Koon hi kova, ap koleste sikras o baro Devel savi zoor?

Jeremia 10:7

Hakeno hounte trashell toutar oun hounte hadell tout. Tou hal o baro ray pral i themma! Ap toute hounte shounenn le. Mashkral kol tsele gosevende oun bare rayende ap kay phoub hi kek yaake har tou hal.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Johanni 12:31

Kanna vell i phagi pral i tseli phoub vi-rakedo. Kanna vitsrell o Devel koles vin, kay hi o ray pral kay phoub.

Bičepangre 17:18

Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Remarja 1:20

Ninna te dikenn le o Debles gar, nay dikenn le leskri bari zoor an halauter, hoy yob kras. Kova vell diklo yaake rah har i phoub tardo hi. Yon nay djinenn, te hi i Devel koy, oun nay penenn gar: “Mer djinam kova gar.”

Remarja 1:22

Kal menshe penenn pendar, te hi le gosevo. Dran kova peran le an o dinlepen.

1. Korintarja 1:19

O Devel penella an peskro lab: Pash mande molell o menshengro gosvepen či. Oun kolla, kay penenn, te djinenn le boud, kolende sikrau, kay kova či moldo hi, hoy yon djinenna.

1. Korintarja 1:26

Dikenn ap t'mende, mire phrala: Mank t'mende hi gar boud goseve menshe, gar boud pralstoune oun gar boud, hoy mishto an-diklo hi.

1. Korintarja 1:27

O Devel rodas kolen vin, kay an i menshengre yaka gar gosevo hi, te dikenn i goseve menshe, kay lengro gosvepen či molella. Yob rodas kolen vin, kay hi len kek zoor an i menshengre yaka, te dikenn i zorele, kay lengri zoor či molella.

1. Korintarja 1:28

O Devel rodas kolen vin, kay an i menshengre yaka či molenna, oun kay gar mishto an-diklo hi, te sikrell lo, kova, hoy pash i menshende boud molella, hi pash leste či moldo.

1. Korintarja 11:32

Te lah mer i phagi o Deblestar, palle krell yob kova, te djas mer gar khetne i vavar menshentsa nashedo.

1. Korintarja 2:6

Kova, hoy mer penah i patslenge, hi o Debleskro gosvepen. Kava gosvepen hi gar har ko gosvepen, kay vell kol menshendar, kay prindjrenn o Debles gar, vitar gar har o gosvepen kolendar, kay hi raya ap kay phoub. Kolla hounte merenn.

1. Korintarja 2:8

Kova prindjran i raya ap kay phoub gar. Te nay dikans le an o Debleskro dji, dans le o Yezouses, ko rayes pral i tsele rayende, gar ap o troushel.

1. Korintarja 3:18

Ma rhorhenn t'men kokres! Koon patsella, te hi lo gosevo ap kay phoub, kova hounte dikell dren, te molella leskro gosvepen či.

1. Korintarja 3:19

Kova, hoy pash i menshende gosvepen hi, hi an o Debleskre yaka dinlepen. An o Debleskro lab hi činlo: O Devel taprell kolen an lengro rhorhepen, kay penenn pendar, kay yon gosevo hi.

1. Korintarja 6:2

Vell yek tsiro, koy rakrenn i patsle o čačepen vin pral i tsele menshende ap kay phoub. Djinenn t'mer kova gar? T'mer te krenn o čačepen vin pral kol tsele menshende ap kay phoub, hoske nay rakrenn t'mer kanna gar o čačepen vin pral kol phralende, kay i tikno djoungelo koova kran?

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.