1. Korintarja 1:14 - O Debleskro Lab 2024 (Sinte-Manouche)

¹⁴ Me parkrau o Debles, kay taufrom kek vavares t'mendar har o Krispo oun o Gayo.

O Debleskro Drom 2021 (Sinte)

¹⁴ Me parkrau o Debles, kai taufrom kek wawares tumendar har o Krispo un o Gajo.

1. Korintarja 1:14 ပူးပေါင်းရင်းမြစ်များ

Bičepangre 10:48

Oun yob penas: “Moukenn t'men te taufrell, te sikrenn t'mer, kay patsenn ap o Yezous Kristeste!” Pal kova mangan le o Petres, te ačell lo triin, star divessa pash lende.

Bičepangre 18:8

O Krispo, ko pralstouno pral i biboldengri kangri, vas peskre tsele menshentsa patslo ap o rayeste, o Yezouseste. Ninna boud menshe an o foro Korint van patslo oun moukan pen te taufrell.

Remarja 16:23

O Gayo, – kova las man an leskro kheer dren, – penell t'menge lače laba. An leskro kheer venn i tsele patsle khetne. Ninna o Erasto, kay dell garda ap o foreskre love, oun o Kvarto, miro lačo phraal an o patsepen, penenn t'menge lače laba.

1. Korintarja 1:15

Yaake nay penell kek, t'mer vans ap o Pauleskro lab taufedo.

1. Korintarja 1:4

Me parkrau man hako tsiro t'menge pash miro Debleste. Yob hi t'menge yaake lačo oun kras, te prindjrenn t'mer o Yezous Kristes.

1. Korintarja 14:18

Me parkrau man pash o Debleste, kay rakrau boudeder har t'mer lauter an i rakepen, hoy o Debleskro Dourho man das.

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Kolossarja 3:15

O Yezous Kristo das t'men pash peste gole, te djivenn lauter leha khetne. Djivenn kanna yaake, te han t'mer yek dji oun yek djipen! Oun parkrenn t'men pash o Debleste!

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

1. Timoteo 1:12

Me parkrau man pash maro rayeste, o Yezous Kristeste, kay das man i zoor, te boudrap leske. Yob patsas ap mande, oun čivas man an koy boudi, te vap leske koy.

Filemon 1:4

Hako tsiro, kay rakrau o Debleha, parkrau man touke pash leste.