1. Johanni 5:20 - O Debleskro Lab 2024 (Sinte-Manouche)

²⁰ Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

O Debleskro Drom 2021 (Sinte)

²⁰ Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.

1. Johanni 5:20 ပူးပေါင်းရင်းမြစ်များ

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Louka 24:45

Oun palle das lo len gosvepen, te hayvenn le o Debleskro lab,

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Johanni 10:30

Me oun o dad ham yek.”

Johanni 14:20

Ko dives vella, kay t'mer djinenna, kay me an miro dadeste hom, oun t'mer an mande han, oun me an t'mende hom.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 14:9

“Yaake rah hom pash t'mende oun tou prindjreh man gar, Filipo?” penas o Yezous. “Koon man dikella, kova dikell o dades. Har nay peneh tou: Sike mende o dades?

Johanni 15:4

Ačenn an mande oun me ačau an t'mende! Te ačenn t'mer gar an mande, vell kek lačo koova dran t'mende, yaake har ko kasht nay anell dran peste kek drake. Yob hounte ačell ap o rouk.

Johanni 17:14

Me penom lenge tire laba. Yon hi gar kay phoubyatar, yaake har me hom vitar gar kay phoubyatar. Doleske hi i menshe ap kay phoub rhoyemen ap lende.

Johanni 17:25

Tata, tou hal an o čačepen tardo! I menshe ap kay phoub prindjrenn tout gar. Me prindjrau tout. Oun kalla hayvan, kay tou man bičral.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Johanni 20:28

Koy penas o Thomas ap leste: “Miro ray oun miro Devel!”

Johanni 8:42

“Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Remarja 9:5

Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

Efesarja 3:18

Yaake nay hayvenn t'mer i tsele patslentsa, har baro o Yezous Kristeskro dji t'menge hi,

Filiparja 3:9

Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Hebrearja 1:8

Ap peskro čaveste penas lo: Tou, o Devel, ačeh o baro ray kanna oun hako tsiro. Tou hal čačo oun lačo ap tire menshende.

1. Johanni 2:23

Hakeno, kay o Debleskro čaves bourhoste della, prindjrell vitar gar o Debles, kay leskro dad hi. Koon ap o Yezouseste patsella, oun i menshenge penella, te hi o Yezous o Debleskro čavo, kova prindjrella ninna o Debles, leskro dades.

1. Johanni 2:24

T'menge penau: Rikrenn kol laba an t'mare djia, hoy shounan, har t'mer patslo van! Te ačenn kol laba an t'mende, hoy t'mer shounan, har patslo van, yaake ačenn t'mer khetne o Debleskro čaveha oun o Debleha, maro dadeha.

1. Johanni 2:6

Koon penella, te ačell lo o Debleha khetne, kova hounte djivella yaake, har o Yezous Kristo djivas.

1. Johanni 4:14

Mer dikam, kay o Devel, maro dad, peskro čaves bičras. Doleske penah mer i menshenge, kay yob kova hi, kay lell len vin dran o čilačepen oun o merepen.

1. Johanni 4:16

Mer hayvam ko čačo kamlepen, hoy o Debles menge hi. Oun mer patsah, te kamell men o Devel čačepah! O Devel hi pherdo kamlepen. Koon an o Debleskro kamlepen ačella, kova ačella o Debleha, oun o Devel ačell leha.

1. Johanni 4:2

Har nay djinah, te hi o Debleskro Dourho an yekeste? Hakeno, kay penell glan i menshende, kay o Yezous Kristo vas i mensho dran mass oun rat, koles hi o Debleskro Dourho.

1. Johanni 5:1

Kolla, kay patsenna, kay o Yezous o baro ray hi, kolestar o Devel penas, te vell yob, kolla hi o Debleskre čave. Oun hakeno, kay kamell o dades, kova kamell ninna leskre čaven.

1. Johanni 5:15

Oun te djinah mer, kay yob men shounella, djinah mer ninna, kay yob men kova das, hoy mer lestar mangam.

1. Johanni 5:18

Mer djinah, o Debleskre čave ačenn gar ap i čilačo drom. O Debleskro čavo dell garda ap lende. Oun o beng nay krell len či.

1. Johanni 5:5

Ava, kova, kay patsella, kay o Yezous o Debleskro čavo hi, koles hi i zoor pral o čilačo koova, hoy i menshe krenna.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”