1. Johanni 4:21 - O Debleskro Lab 2024 (Sinte-Manouche)

²¹ Kava hi, hoy o Yezous menge penas: Koon o Debles kamella, kova hounte kamell ninna peskro phrales o tselo djiyestar.

O Debleskro Drom 2021 (Sinte)

²¹ Kawa hi, hoi o Jesus menge penas: Koon o Debles kamella, kowa hunte kamell ninna peskro phrales o tselo djijestar.

1. Johanni 4:21 ပူးပေါင်းရင်းမြစ်များ

3. Mose 19:18

Ma de o čilačepen pale, hoy i vavar ap toute kras, oun hidje leske či palla. Tou vess yaake lačes ap leste, har hal lačes ap toute kokres. Me hom o baro Devel.

Mateo 5:43

T'mer djinenna, kay glan i rah tsiro i phourenge penlo vas: Ab lačes ap tire menshende! Ma ab lačes ap koleste, kay kras čilačo koova ap toute.

Louka 10:37

Penas o biboldengro čačepaskro ap leste: “Kova, kay kras peskro dji leske pre.” Pale penas o Yezous leske: “Dja, oun kre kova ninna yaake!”

Johanni 15:12

Kova kamau t'mendar, te kamell yek o vavares o djiyestar yaake har me t'men kamau o djiyestar.

Galatarja 5:14

Te vell yek yaake lačo ap o vavareste har yob lačo ap peste hi, palle krell lo lauter, hoy o Devel lestar kamella.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

1. Tessalonikarja 4:9

Me hounte činap t'menge gar, te vell t'men i baro dji i patslenge. O Devel penas t'menge kova an o dji.

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

1. Johanni 2:7

Kamle phrala, ko lab, hoy me t'menge kate činau, te krenn kova, hi t'menge či nevo. Na-a, kova hi i phouro lab. T'mer shounan ko lab, har t'mer patslo van, oun djinenn les.

1. Johanni 3:11

Ko lab, hoy t'mer shounan, har patslo van, hi kova: Mer patsle hounte kamas men yek o vavares o djiyestar.

1. Johanni 3:14

Mer hams moulo, kanna djivah. Hoske djinah kova? Mer kamah i patslen o djiyestar. Kova sikrell mende, kay vam dran o merepen an o djipen. Koon o vavar patsles gar kamella, kova hi moulo oun ačell moulo.

1. Johanni 3:18

Mire čave, mer te kras gar bare laba te penah, kay kamah i menshen i djiyestar. Na-a, o čačo kamlepen dikenn le ap kova, hoy yek o vavareske krella.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 4:11

Lače phrala oun phenya, o Debles hi savo baro dji menge. Doleske hounte vell men ninna i baro dji mare phralenge oun phenyenge an o patsepen.