1. Johanni 3:7 - O Debleskro Lab 2024 (Sinte-Manouche)

⁷ Čovale, moukenn t'men kekestar o Debleskro dromestar tele te anell! T'mer hounte djinenna, kolla, kay krenna, hoy čačo hi glan o Debleskre yaka, kolla hi an o čačepen tardo glan o Debleste yaake har o Yezous an o čačepen tardo hi glan o Debleste.

O Debleskro Drom 2021 (Sinte)

⁷ Tchowale, mukenn tumen kekestar o Debleskro dromestar tele te anell! Tumer hunte djinenna, kolla, kai krenna, hoi tchatcho hi glan o Debleskre jaka, kolla hi an o tchatchepen tardo glan o Debleste jaake har o Jesus an o tchatchepen tardo hi glan o Debleste.

1. Johanni 3:7 ပူးပေါင်းရင်းမြစ်များ

Debleskri gili 106:3

Barhteles hi kolla, kay leskre laba rikrenna, oun hako tsiro o čačepen krenna.

Debleskri gili 45:7

Miro Devel, tiri rayeskri beshepaskri ačell hako tsireske. Tou hal i čačo oun lačo ray pral tire menshende.

Mateo 5:20

Oun me penau t'menge: T'mer nay djivenn gar o Debleha khetne an o bolepen, te krenn t'mer gar, hoy o Devel kamella. Oun t'mer hounte krenn kova feteder, har i biboldengre čačepangre oun i Farisarya kova krenna.

Louka 1:75

yaake te djivas mer leske i djoudjo oun lačo djiyeha yaake rah, har djivah.

Remarja 2:13

Glan o Debleste hi kolla čačo, kay krenna, hoy yob kamella, oun gar kolla, kay shounenn kol laba oun krenn gar, hoy kol laba penenna.

1. Korintarja 6:9

T'mer hounte djinenn, kolla, kay čilačo koova krenna, venn gar pash o Debleste an o bolepen, oun lenn gar ko lačo koova, hoy o Debles peskre čavenge hi. Ma rhorhenn t'men kokres! Kolla, kay vi-ladjedo koova krenna, venn gar pash o Debleste an o bolepen, vitar gar kolla, kay mangenn vavar koova an har o Debles, vitar gar kol morsha, kay rhorhenn pengri romyat i vavar djouvyah, vitar gar kol djouvya, kay rhorhenn pengro romes i vavar morsheha, vitar gar kol morsha, kay krenn vi-ladjedo koova vavar morshentsa oun čaventsa,

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

Efesarja 5:9

Lauter kolla, kay ap leskro drom djana, krenn kova, hoy lačo oun čačo hi, oun penenn o čačepen.

Filiparja 1:11

Oun ko boud lačo oun čačo koova, hoy t'mer kran, krell o Debles bares. Kova kran t'mer an i zoor, hoy o Yezous Kristo das t'men.

Hebrearja 1:8

Ap peskro čaveste penas lo: Tou, o Devel, ačeh o baro ray kanna oun hako tsiro. Tou hal čačo oun lačo ap tire menshende.

Hebrearja 7:2

Oun o Abraham das les o deshto kotar lauterestar, hoy las yob an o kourepen. Ko lab Melkisedek kharella Čačo Ray. Oun yob his ninna o ray pral o foro Salem. O lab Salem kharella Barht.

Jakobo 1:22

Hi gar doha, te shounenn leskro lab. T'mer hounte krenn, hoy ko lab penella. T'mer te krenn kova gar, palle rhorhenn t'men kokres.

Jakobo 2:19

Tou patseh, kay dell yek Devel kokres. Mishto, kre kova! Ninna kol benga patsenn kova oun trashenna.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

1. Johanni 2:1

Mire čave, me činau t'menge kova, te krenn t'mer kek čilačepen! Oun yek te kras i čilačo koova, yaake hi men i rakepaskro, kay vell ap mari rig oun rakrell mishto menge pash maro dadeste an o bolepen. Kova hi o Yezous Kristo, kay an o čačepen glan o Debleste tardo hi.

1. Johanni 2:26

Kava činom t'menge, te moukenn t'men gar o Debleskro dromestar tele te anell.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

1. Johanni 3:18

Mire čave, mer te kras gar bare laba te penah, kay kamah i menshen i djiyestar. Na-a, o čačo kamlepen dikenn le ap kova, hoy yek o vavareske krella.

1. Johanni 3:3

Oun hakeno, kay kova patsella, rikrell peskro dji djoudjo, te vell kek doosh ap leste, yaake har ap o Yezous Kristeste kek doosh hi.

1. Johanni 4:17

Mer te ham pherdo Debleskro kamlepen, palle hi men bouder kek daar glan o Debleste ap ko dives, kay o Devel o čačepen vi-rakrella pral i tsele menshende. Ninna te ham mer kanna ap kay phoub, ham mer o Debleha khetne, yaake har o Yezous Kristo o Debleha khetne hi.