1. Johanni 3:19 - O Debleskro Lab 2024 (Sinte-Manouche)

¹⁹ Te kamah i menshen yaake, djinah, kay ham an o čačepen. Yaake hounte trashas gar o Deblestar.

O Debleskro Drom 2021 (Sinte)

¹⁹ Te kamah i menshen jaake, djinah, kai ham an o tchatchepen. Jaake hunte trashas gar o Deblestar.

1. Johanni 3:19 ပူးပေါင်းရင်းမြစ်များ

Debleskri gili 119:56

Mange hi shoukar te krap kova, hoy tou menge penal.

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Johanni 13:35

Ap kova dikell hakeno, kay t'mer mire mala han, te kamell yek o vavares o djiyestar.”

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Remarja 4:21

Peskro tselo djiyeha djinas lo, o Devel nay krell kova, hoy yob penas.

Remarja 8:38

Me djinau zoreles: Či nay lell o Debleskro kamlepen mendar krik: kek merepen, kek djipen, kek bolepangre, vitar kek čilače zorya. Či, hoy ap mende vella, kanna oun an ko tsiro, hoy vella,

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

1. Johanni 1:8

Mer te penah: “Men hi kek doosh an maro djipen”, yaake rhorhah men kokres, oun mer ham gar an o čačepen tardo.

1. Johanni 2:21

Me činom t'menge gar, har te prindjrans t'mer o čačepen gar. T'mer prindjrenn les, oun djinenn, kay kek rhorhepen dran o čačepen vella.

1. Johanni 3:14

Mer hams moulo, kanna djivah. Hoske djinah kova? Mer kamah i patslen o djiyestar. Kova sikrell mende, kay vam dran o merepen an o djipen. Koon o vavar patsles gar kamella, kova hi moulo oun ačell moulo.

1. Johanni 3:20

Ninna te penell menge maro dji: “Tou djival gar yaake, har hounte vess,” palle hi o Devel bareder har maro dji, oun djinell lauter.

1. Johanni 3:21

Lače phrala oun phenya, te penell menge maro dji gar, te lam doosh ap mende, hi men kek traash, te vas glan o Debleste.