1. Johanni 3:14 - O Debleskro Lab 2024 (Sinte-Manouche)

¹⁴ Mer hams moulo, kanna djivah. Hoske djinah kova? Mer kamah i patslen o djiyestar. Kova sikrell mende, kay vam dran o merepen an o djipen. Koon o vavar patsles gar kamella, kova hi moulo oun ačell moulo.

O Debleskro Drom 2021 (Sinte)

¹⁴ Mer hams mulo, kanna djiwah. Hoske djinah kowa? Mer kamah i patslen o djijestar. Kowa sikrell mende, kai wam dran o merepen an o djipen. Koon o wawar patsles gar kamella, kowa hi mulo un atchell mulo.

1. Johanni 3:14 ပူးပေါင်းရင်းမြစ်များ

Debleskri gili 16:3

I Debleskre menshe an o them hi raylo. Yon krenn miro dji barhteles.

Gosewe laba 21:16

I mensho, kay kamell gar te djinell, hoy gosevo hi, djal ap o drom pash i moulende.

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Louka 15:24

Čačepah, miro čavo his moulo, oun vas djido. Yob his nashedo oun vas pale. Oun yon van lauter barhtelo.

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Louka 7:5

Yob hi menge lačes oun kras menge i kheer, kay mangah o Debles an.”

Johanni 13:35

Ap kova dikell hakeno, kay t'mer mire mala han, te kamell yek o vavares o djiyestar.”

Johanni 15:12

Kova kamau t'mendar, te kamell yek o vavares o djiyestar yaake har me t'men kamau o djiyestar.

Johanni 15:17

“Krenn, hoy me t'menge penau: Kamau, te kamell yek o vavares o djiyestar!

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

2. Korintarja 5:1

Mer djinah, maro djipen ap kay phoub ačell gar. Pal maro merepen lah i nevo troupo. Ko nevo troupo hi har i kheer, hoy kras o Devel oun kek mensho. Ko kheer ačell hako tsiro an o bolepen.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Efesarja 1:15

Me shounom, har baro hi t'maro patsepen ap maro rayeste, o Yezouseste. Ninna kamenn t'mer i tsele patslen o djiyestar.

Efesarja 2:1

Har gar patslo hans, his boud doosh ap t'mende. Oun t'mer hans čilačo. Yaake hans o Debleske moulo.

1. Tessalonikarja 4:9

Me hounte činap t'menge gar, te vell t'men i baro dji i patslenge. O Devel penas t'menge kova an o dji.

Hebrearja 13:1

Moukenn gar tele, te kamenn i phralen oun i phenyen o tselo djiyestar!

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

2. Petro 1:7

Koon o Debles kamella, koles hi ninna i dji peskre phralenge oun phenyenge. Kones i dji hi peskre phralenge oun phenyenge, kova kamell ninna i tsele menshen ap kay phoub.

1. Johanni 2:3

Mer te krah kova, hoy o Devel menge penas, te kras, djinah mer, te prindjrah les.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 4:12

Kek mensho dikas o Debles. Te hi men i dji i vavar patslenge, ačell o Devel mentsa. Oun leskro tselo kamlepen hi an mende.

1. Johanni 5:13

Me činom t'menge, te djinenn t'mer, kay t'men ko djipen hi, hoy gar pre-herella. Ko djipen hi kolenge, kay ap o Debleskro čaveste patsenna.

1. Johanni 5:2

Kava hayvam: Mer te kamah o Debles čačepah, oun krah, hoy yob penella, palle kamah leskre čaven ninna.