1. Johanni 3:12 - O Debleskro Lab 2024 (Sinte-Manouche)

¹² Mer hounte vas gar har o Kayn. Kova his o bengestar oun maras peskro phrales. Hoske maras lo les? Leskro phraal kras, hoy lačo his. Oun o Kayn kras, hoy čilačo his. Doleske maras o Kayn peskro phrales.

O Debleskro Drom 2021 (Sinte)

¹² Mer hunte was gar har o Kain. Kowa his o bengestar un maras peskro phrales. Hoske maras lo les? Leskro phraal kras, hoi latcho his. Un o Kain kras, hoi tchilatcho his. Doleske maras o Kain peskro phrales.

1. Johanni 3:12 ပူးပေါင်းရင်းမြစ်များ

1. Mose 4:25

Oun o Adam vas pale khetne peskri romyah. Oun yoy anas i čaves ap i phoub, oun das les ko lab Set, oun penas: “O Devel das man i vavar čaves miro čaveske Abel, koles o Kayn moulo das.”

2. Samuel 13:22

O Absalom rakras gar peskro phraleha, o Amnon, gar čilačes, vitar gar lačes, yaake midjak his lo ap leste, doleske, kay yob ap leskri phenyate bari ladj anas.

Debleskri gili 37:12

O čilačo kamell midjak koova te krell ap koleste, kay an o čačepen tardo hi, oun sikrell leske i danda.

Debleskri gili 38:20

Kolla, kay mange čilačepen kamenna, hi zoreles oun hi boud. Boud rhoyrenn pen ap mande, ninna te krom len či.

Gosewe laba 27:4

I rholi hi divyo oun zorelo har i zorelo pani, hoy lauter peha krik tserdell. Koon nay ačell tardo te zilverell i morsh?

Gosewe laba 29:10

I marepangre hi rhoyedo pral koleste, kay kek doosh ap peste anas. Kolla, kay an o čačepen tardo hi, denn yak ap koleskro djipen.

Gosewe laba 29:27

Rhoyedo pral kolende, kay čilačo koova krenn, hi kolla, kay o čačepen krenn. Oun rhoyedo pral koleste, kay o čačepen krell, hi kolla, kay čilačo koova krenn.

Mateo 13:19

Ko djob, hoy peras ap o drom, sikrell t'mende yekes, kay shounas ko lab, te dell les o Devel pash peste gole. Oun yob hayvas ko lab gar. Oun o beng vas, oun las ko lab dran leskro dji vin.

Mateo 13:38

Oun ko kotar them, kolla hi i tsele menshe ap i phoub. Oun o lačo djob, kolla hi kol menshe, kay moukenn o Debles pengro ray te vell. Oun ko djoungelo zenlepen, kolla hi i čilače, pral kolende o beng o ray hi.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Mateo 27:23

Poučas lo lendar: “Havo čilačo koova kras yob?” Kote dan le bari gole: “De les ap o troushel!”

Mateo 5:37

Te penenn t'mer: Ava! yaake hounte vell kova ninna: Ava! Oun te penenn t'mer: Na-a! yaake hounte vell kova ninna: Na-a! Hako lab, hoy pral vergel hi, vell o bengestar.

Louka 11:51

O Abel vas maredo glan i tsele vavar menshende. Pal leste maran le vavar menshen pale te pale. Pal lauterende vavarende vas o Zakari maredo. Kova vas maredo pash i sasterni rhačepaskri an o Debleskro baro kheer. Čačepah, me penau t'menge: I tseli bibarht vell ap kal menshende, kay kanna djivenna.

Johanni 10:32

O Yezous penas lenge: “Me krom boud lačo koova. Miro dad penas mange, te krap kova. Hoy hi ko lačo koova, koleske kamenn man moulo te dell?”

Johanni 8:40

Kanna, kay me t'menge ko čačepen penom, kay shounom o Deblestar, kamenn t'mer man te marell. Kova kras o Abraham gar.

Johanni 8:41

T'mer krenn kova, hoy t'maro dad ninna kras.” Penan yon ap leste: “Mari day hi kek loubni. Men hi yek dad. Kova hi o Devel.”

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

1. Tessalonikarja 2:14

Mire phrala, t'mare menshe lan t'men palla. Yaake djas t'menge har kol patsle biboldenge an o them Youdea. Lengre menshe, i bibolde, lan len ninna palla.

Hebrearja 11:4

An o phouro tsiro patsas o Abel ap o Debleste, oun maras leske i firho. Har dikas o Devel, hoy o Abel leske anas, dikas lo lačes ap kova. Yaake vas o Abel an o čačepen tardo glan leste. Kova, hoy leskro phraal, o Kayn, o Debleske anas, kova his gar yaake lačo glan o Debleskre yaka har kova, hoy o Abel leske anas. Ninna te meras o Abel, sikrell men leskro djipen gomme kava dives leskro patsepen.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

1. Petro 4:4

Kanna djivenn t'mer bouder gar ko djoungelo djipen har kol čilače. Kova djal kolenge gar an o shero. Doleske čingrenn le ap t'mende.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.