1. Johanni 3:10 - O Debleskro Lab 2024 (Sinte-Manouche)

¹⁰ Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.

O Debleskro Drom 2021 (Sinte)

¹⁰ Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 3:10 ပူးပေါင်းရင်းမြစ်များ

2. Samuel 13:22

O Absalom rakras gar peskro phraleha, o Amnon, gar čilačes, vitar gar lačes, yaake midjak his lo ap leste, doleske, kay yob ap leskri phenyate bari ladj anas.

Mateo 13:38

Oun ko kotar them, kolla hi i tsele menshe ap i phoub. Oun o lačo djob, kolla hi kol menshe, kay moukenn o Debles pengro ray te vell. Oun ko djoungelo zenlepen, kolla hi i čilače, pral kolende o beng o ray hi.

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

Johanni 1:12

Halauter kolla, kay lan les pre oun ap leste patsan, kolen das yob i zoor, te venn yon o Debleskre čave.

Johanni 11:52

oun gar i biboldenge kokres. Yob hounte merella ninna, te anell lo i tsele Debleskre čaven khetne.

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Johanni 8:47

Koon o Deblestar vella, shounella ap kova, hoy o Devel penella. T'mer venn gar lestar. Doleske shounenn t'mer gar ap leskre laba.”

Bičepangre 13:10

oun penas: “Tou bengeskro čavo! Tou hal pherdo čilačepen. Oun rhorhepen hi an toute. Tou kameh gar o čačepen. Oun moukeh gar tele o Debleskre čače dromma banges te krell.

Remarja 13:8

Te hi t'men i siyaan pash yekeste, ma ačenn an koy siyaan: Playssrenn lat pale! Yek koova nay krenn t'mer gar doha: Te kamell yek o vavares o tselo djiyestar! Koon kova kras, kras kova, hoy o Devel lestar kamella.

Efesarja 5:1

T'mer han o Debleskre čave. Oun yob kamell t'men i tselo djiyeha. Doleske krenn lauter yaake, har o Devel kova krella,

Kolossarja 3:14

Bareder har lauter hi o kamlepen, hoy vella o Deblestar. Te kamenn t'mer i vavaren o djiyestar, palle krenn t'mer lauter, hoy o Devel t'mendar kamella, oun hoy t'men khetne rikrella.

1. Timoteo 1:5

Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

1. Johanni 2:29

T'mer djinenna: O Yezous Kristo kras, hoy čačo hi glan o Debleste. Yaake djinenn t'mer ninna: Kolla, kay krenn, hoy čačo hi glan o Debleste, kolla hi o Debleskre čave.

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.

1. Johanni 3:2

Lače phrala oun phenya, kanna ham Debleskre čave. Oun hoy mer vah an ko tsiro, hoy vella, djinah gomme gar. Yek djinah: Ap ko tsiro, kay vell o Yezous Kristo pale, dikah les har yob hi, oun mer vah yaake, har yob hi.

1. Johanni 4:21

Kava hi, hoy o Yezous menge penas: Koon o Debles kamella, kova hounte kamell ninna peskro phrales o tselo djiyestar.

1. Johanni 4:6

Mer ham o Deblestar, oun hakeno, koon o Debles prindjrella, shounell ap mende. Koon hi gar o Deblestar, kova shounell gar ap mende. Doleske djinah mer, kones o Debleskro Dourho hi, kay rakrell o čačepen, oun kones o rhorheno dourho hi.

1. Johanni 4:8

O Devel hi pherdo djiyeskro kamlepen. Kones kek dji o vavareske hi, kova prindjrell o Debles gar.

1. Johanni 5:19

Mer djinah, kay ham o Deblestar. I tsele vavar menshe ap i phoub hi an o bengeskro vast.

1. Johanni 5:2

Kava hayvam: Mer te kamah o Debles čačepah, oun krah, hoy yob penella, palle kamah leskre čaven ninna.

3. Johanni 1:11

Lačo phraal, ma kre o čilačepen palla! Kre o lačepen! Kova, kay krell lačo koova, vell o Deblestar. Kova, kay o čilačepen krella, kova prindjrell o Debles gar.