1. Johanni 2:20 - O Debleskro Lab 2024 (Sinte-Manouche)

²⁰ T'mer lan o Debleskro Dourho, oun lestar djinenn t'mer kova lauter.

O Debleskro Drom 2021 (Sinte)

²⁰ Tumer lan o Debleskro Ducho, un lestar djinenn tumer kowa lauter.

1. Johanni 2:20 ပူးပေါင်းရင်းမြစ်များ

Debleskri gili 16:10

Tou moukeh man gar an o merepen, oun kameh gar, te merell miro mass tele an i phoub.

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

Debleskri gili 45:7

Miro Devel, tiri rayeskri beshepaskri ačell hako tsireske. Tou hal i čačo oun lačo ray pral tire menshende.

Debleskri gili 71:22

Yaake kamau me man pash toute te parkrell o bashepah ap i doryengri bashepaskri, kay rikral tou tiro lab, miro Devel. O bashepah ap i harfa kamau touke gilya te givell. Tou kokres hal o čačo Devel, ko Devel pral o Israel.

Debleskri gili 92:10

Mer djinah, lauter, kay tout čilačepen kamenn, hounte merenn. Oun lauter, kay čilačo koova krenna, venn krik tradedo.

Gosewe laba 28:5

Čilače menshe hayvenn gar, hoy o čačepen hi. Kolla, kay o baro Debles rodenn, kolla hayvenn lauter mishto.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Markus 1:24

“Hoy kameh tou mendar, Yezous dran Nazaret? Val tou, te maress men? Me djinau, koon tou hal: Tou veh o Deblestar.”

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Louka 4:34

“Ah! Hoy kameh tou mendar, Yezous dran Nazaret? Val tou, te maress men? Me djinau, koon tou hal: Tou hal o Debleskro morsh, koles o Devel bičras.”

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 3:14

T'mer dan koles bourhoste, kay vas o Deblestar, oun kay his kek čilačepen an leste. Oun t'mer mangan o Pilatestar, te moukell lo koles dran o stilepen te djal, kay maras yekes.

1. Korintarja 2:15

I mensho, koles o Debleskro Dourho hi, kova dikell ap lauter yaake, har o Devel kova dikella. Kol menshen, kay o Debleskro Dourho gar hi, kolla nay hayvenn kol menshen gar, kolen o Debleskro Dourho hi.

Hebrearja 1:9

O čačepen kamal tou, oun o čilačepen dikeh glan i yaka nay gar. Doleske rodas tout tiro Devel vin, te vess tou bareder oun barhtleder har kolla, kay pash toute hi.

Hebrearja 8:11

Kek hounte penell ap peskro phraleste, vitar gar ap koleste, kay djivell pash leste: Tou hounte hatsess o Debles! Hakeno djinella, koon me hom. I tikne oun i bare prindjrenn man.

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.

1. Johanni 4:13

O Devel das men peskro Dourho. Ap kova hayvah mer, kay o Devel mentsa hi, oun mer leha ham.

Judas 1:5

Ninna te djinenn t'mer kova lauter, kamau, te bistrenn gar, har o Devel, maro ray, peskre menshen dran o them Egiptia vin las. Oun ap i vavar tsiro maras lo kolen, hoy gar patsan.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.