1. Johanni 2:17 - O Debleskro Lab 2024 (Sinte-Manouche)

¹⁷ Kay phoub ačella gar, vitar gar kova, hoy i menshe ap kay phoub kamenna. Koon krella, hoy o Devel kamella, kova ačella hako tsiro.

O Debleskro Drom 2021 (Sinte)

¹⁷ Kai phub atchella gar, witar gar kowa, hoi i menshe ap kai phub kamenna. Koon krella, hoi o Dewel kamella, kowa atchella hako tsiro.

1. Johanni 2:17 ပူးပေါင်းရင်းမြစ်များ

Debleskri gili 102:26

Tou kral i phoub glan rah tsirya, oun tire vasta kran o bolepen.

Debleskri gili 143:10

Sike mange, hoy touke shoukar hi, te krap me, tou hal miro Devel. Tiro lačo dourho mou sikrell man o čačo drom.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 90:9

Dran tiri rholi djan mare divessa čičeske trouyel. Mare bersha djan yaake sik har te phourdell yek o dourho vin.

Gosewe laba 10:25

Har i zorelo dourho pral i phoub phourdas, his o čilačo bouder gar koy. Kova, kay an o čačepen tardo hi, ačell hako tsireske.

Mateo 21:31

Koon kol douyendar kras kova, hoy o dad kamas?” Penan le ap leste: “O phoureder.” Penas o Yezous: “Čačepah, me penau t'menge: Kol bibolde, kay i love i Remaryenge dren lenna oun hi t'menge pale-čiddo, oun i loubya venna sikeder ap o Debleskro drom har t'mer.

Mateo 24:35

O bolepen oun i phoub ačenna gar. Mire laba ačenna hako tsiro.

Mateo 7:21

Kolen, kay penenn ap mande Ray, ray lell o Devel gar lauter pash peste an o bolepen. Na-a! Kolla kokres, kay krenna, hoy miro dad an o bolepen kamella, kolen lell lo an o bolepen.

Markus 3:35

Kova, kay krell, hoy o Devel kamella, kova hi miro phraal, miri pheen, oun miri day.”

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 6:58

Kava hi ko maro, hoy vas dran o bolepen. Koon kava maro rhala, lell o djipen, hoy gar pre-herella. Kava hi i vavar maro har kova, hoy t'mare phoure rhan.”

Johanni 7:17

Koon kova krella, hoy o Devel kamella, kova hayvella, kay mire laba o Deblestar venna, oun gar mandar.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

1. Korintarja 7:31

Kay phoub oun lauter, hoy koy pre hi, ačella gar. Doleske pandenn t'men gar ap ko koova, hoy i menshenge ap kay phoub yaake boud moldo hi!

Kolossarja 1:9

Oun har mer kova shounam, mangam o Debles t'menge, oun moukam gar tele, te mangas lestar, te dell lo an t'mende o gosvepen, hoy dell o Debleskro Dourho, te hayvenn t'mer, hoy o Devel kamella.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

1. Tessalonikarja 4:3

O Devel kamell, te djivenn t'mer i djoudjo djipen, te sovell kek rom i djouvyah khetne, kay hi gar peskri romni, oun kek djouvel i morsheha, kay hi gar peskro rom.

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

1. Petro 4:2

Yaake rah, har kava mensho ap kay phoub hi, krell lo kova, hoy o Devel kamella, oun djivell bouder gar pal peskro shero.