Revelesen 21:9 - Nupela Testamen long tokples Mende long Niugini

⁹ Urik ensel 7-pela ol waplelena Avui Wasilakahi os man kavak li nakundarin tolondari lihi lar anhik or taha ormu mbara, “Tanak Sipsip Jikisi nokove os or lakwan a mukunak heye.”

Revelesen 21:9 ပူးပေါင်းရင်းမြစ်များ

Revelesen 1:1

Mashi Jisas Kraishi kaso mas wanyi wandari sir. Hako ter Avui Wasilaka Jisas Kraishi tavak or halashirik or nga mu kormbak mashi kason saundunguara. Ol ornjik lerawun landa ma mbele mbele os kolok talakundarin li heyekmbaha mashi kason ormu saundunguara. Uhu ensel lar or mbashirik or taha ornjik lerawun landari ma Jonin or saweshinak or nga ma anandi ol Jisasin tiyandari ma ondon or sawekmbahan.

Revelesen 17:1

Urik ensel 7-pela ondo lihi lar or taha anin ormu sawera, “Tanak a mukunak heye, nombo nombo os Avui Wasilaka hulatolhakanda nokove os fatenjek lindan or unak kavak si nakwan.

Revelesen 19:7

Ter ni rupshihi hi orhin nimu hauowekuwa. Mberem ushiwak? Sipsip Jikisi am or nokoplakwa wolok osmu nanduwa. Uwak nokove oso am si hundujehe osmu linduwa.

Revelesen 21:17

Uhu inyi os kolaka oson li washi arangondarin er nga ormu heimara. Or heimari kumdi mendek 144 mitak nari sir. Mita os ensel or tolo nor heimari oso mita os nir ma mbele mbele ni heimandar hom nari sira.

Revelesen 21:2

Uhu na heyeri, yanga Avui Wasilakahi Jerusalem akri oso or nga si nahandarik hevenin si halaha simu rakara. Urik a heyeri, arme mendek simu nara, os nokove si hulasikwak si tlahapsihi si hundujendari hom nari sira.

Revelesen 22:1

Urik ensel oto fa laka las or mukurik amu heyera. Uku os fa orok nanda ermba ermbak nandan handa sira. Armek krahambihi uknjele mendek nanda sira. Avui Wasilaka nga Sipsip Jikisi nga sia king frihi sinda mishi orok si hongoshihi nombo lakak rakanda sira. Fa kauyoko nga tasayoko nga mi os ermba ermbak nandan handa ondo orok sinda lira. Mi ondo asama asama niyaka namtasmba namtasmbak akwa ome nga nanda lir. Uhu mi ondo mikukwa lihi li uwak ma jivik nanda lir, mbeek kavamisikwa ambu lir.

Revelesen 22:17

Karem or mbarik Avui Wasilaka Masikome orhi nga Sipsip Jikisi nokove os or lakmbaha or kamahanda oso nga opmu mbara, “Mir taka.” Wa, ma jir mashi kason misiwa er nga ji mbaka, “Mir taka.” Os jekapnashi jihi si hatlayinak ji uksem akwak ji hishi nahi, ji raka. Uhu uku os ermba ermbak nandan jivai aka. Oso Avui Wasilaka men or hakwa sir, mbeek yak ji frungawukwa ambu sir.

Revelesen 22:6

Urik ensel oto ormu mbara, “Mashi os a sawewak mi misiwa oso omendinga sira. Avui Wasilaka or mas profet orhin sawendari ma oto ormu ter anin or mbashiwak a taha mbele mbele ol kolomalok or ukmbaha nor mbahandan mirin amu sawenduwa.”