Revelesen 19:2 - Nupela Testamen long tokples Mende long Niugini

² Nombo worna orhi orok mbele mbele os ma li undan or heyehe mbanda ria. Hulatolhakanda nokove oso nokophirmbirihi hulatolhakandari nombon si mukuhu Avui Wasilakahi lerawun landari man mandingormeri sir. Uri osik Avui Wasilaka kavakava os si uhundan or heyehe nombo worna orhi orok sirin or mbarik kavak nari sira.”

Revelesen 19:2 ပူးပေါင်းရင်းမြစ်များ

Revelesen 15:3

Uhu hukwa las Moses Avui Wasilakahi lerawun landari ma or korondari hukwa nga Sipsip Jikisi otohi hukwa las nga limu korora karem, “Avui Wasilaka mirtonom kwambu ngashi mira. Uhu mbele mbele ol wavu mihik mi hishihi mi unda ondo amber jivik li naha worna mendek omendingak nanda lira. Mir malakamak ermba ermbak er nanda mira.

Revelesen 18:20

Urik mashi las karem simu mbara, “Jir heven nga Avui Wasilakahi ma nga aposel nga profet nga ji rupshika. Mberem ushiwak? Avui Wasilaka mbele mbele kava os jirin si undarin or heyehe os ormu wasan sirin handuwa.”

Revelesen 18:3

Babilon oso hulaima nokopman si mbashirik wain uku sihin ari lir. Wain uku oso hulatolhakanda nombo sihi nga mbele mbele kavakava os si undari nga heimanda sira. Malakama misambik fehe amber sihikop nari lir. Urik ya nowen landari ma ondo mbele mbele kava ol si undari nombo orok ya mushak landari lira.”

Revelesen 6:10

Orok li sihi limu mbara, “Avui Wasilaka mirtonom ma worna ma indinga mira. Mbele mbele omendinga tontlo mira. Mir omendinga mira. Mberem jishi wolo mendek ma ol nirin kavakavak nahanda ma ondon wasan mi haku?”