Revelesen 14:9 - Nupela Testamen long tokples Mende long Niugini

^9-10 Urik ensel ome lar nga or taha wasilakak ormu ushaha mbara, “Os ma lar or halanak kala asahi watlak minyangambi mo tava orhik li ewehe, os orin li heimaha li uhunda nga or lotu u nahi, avak nomorawu lakan lakwa ria. Avui Wasilaka wain uku kwambun or hanak akwa ria. Wain uku oso mbeek uksembe nga nor ngoroshinak kwambu sihi mendek nakwa ambu sir, wahau. Wain uku oso waplelena orhin heimanda sira. Unak ma oto avak wain uku oson or anak orin li laha hik li ermbenak taimashikwa ria, os sunja salfa hi hom langlang tanda mishi orok. Unak ensel Avui Wasilakahi ondo nga Sipsip Jikisi nga li heyekwa ria.

Revelesen 14:9 ပူးပေါင်းရင်းမြစ်များ

Revelesen 14:11

Unak niri tandi ermba ermbak hi oso er si ukwa ria, mbeek mendek nakwa ambu sir. Mberem ushiwak? Kala asa nga os orin li hambaha li uhundari oson or lotu uhu watla orhik li jiri ora. Uwosik hi er si ukwa ria.

Revelesen 16:2

Urik ensel maifu hambiya orhin or laha ihi misambik ormu ngorora. Ushirik ma ol kala asahi watlak li eweshirik os or hom li hambari oson er nga lotu undari ma ondo amber ojenaji kavandinga lihik tasari lira.

Revelesen 7:3

“Jir avak misambi nga lersuwu nga mi ama nga kavak ji nawa hala. Awarsinak ol Avui Wasilakahi lerawun landa ma ondon minyangambi lihik watlak ni eweshinak mbele mbele ondon kavak jivai naka.”