Mashi jivi Jisashi Mak or kayeri 9:25 - Nupela Testamen long tokples Mende long Niugini

²⁵ Urik Jisas or sihi or heyerik ma musha mendek os or liri mishi orok olmu siralayantlera. Uhu wasimalengamba oton or ngriaha ormu mbara, “Malengamba mir suwambushi arangoho mambla jihinda mirin amu mbanduwa, mir jikisi toton halaha tala ika! Uhu avak indiyok orhik layiwa hala!”

Mashi jivi Jisashi Mak or kayeri 9:25 ပူးပေါင်းရင်းမြစ်များ

Matyu 12:22

Urik ma lar wasimalengamba toloshirik misokomen tumuhu maimbandari ambu oton Jisasik limu laharara. Urik wasimalengamba ma oton tolondarin or mbru ermbeshirik ma oto jivik or naha or heyehe ormu maimbara.

Matyu 17:18

Karem or mbaha wasimalengamba or jikisi oton tolohondarin or ngriaha nor mbarik or tala tulu ishirik jikisi oto kolok jivik ormu nara.

Mashi jivi Jisashi Mak or kayeri 9:15

Jisas tumsar or tarik li heyehe limu lishnyafara. Uhu orin heyekurik li ihi orin limu flehava kwara.

Mashi jivi Jisashi Mak or kayeri 9:24

Karem or mbarik kolomalok, avoko ma oto wasilakak ormu tlara, “An mirin a hishiowenda nir. Hako wavu anhi frijip frijip nanda osik anin jelyashinak kwambuk a sika.”

Mashi jivi Jisashi Mak or kayeri 9:26

Karem or mbarik wasimalengamba oto wasilaka mendek or jisuwuhu jikisi oton or urik misambik or takaha handari hom ormu wara. Urik wasimalengamba oto or halaha ormu tala ira. Urik ma ondo li siheyehe limu mbara, “Ayo, jikisi toto karem haw te!”

Mashi jivi Jisashi Luk or kayeri 11:14

Nindi wolo lasik Jisas ma lar wasimalengamba toloshirik maimbandari ambu oton or mbru ermbeshirik ormu maimbara. Urik ma li heyehe limu lishnyafara.

Mashi jivi Jisashi Luk or kayeri 4:35

Karem mbarik orin huliyik ormu mbara, “Mayam si. Ma toton halaha ika.” Urik ma li heyerik wasimalengamba ma oton or farnaro ormbehe ormu halashi ira. Hako ma oto mbeek kavak nari ambu ri.

Mashi jivi Jisashi Luk or kayeri 4:41

Uhu nor mbarik wasimalengamba ondo orin li heyehe limu mbara, “Mir Avui Wasilakahi jikisi mira.” Karem li mbaha jisuwuhu ma ol li tolondari ondon li halaha limu ira. Wasimalengamba ondo, Jisas Avui Wasilaka mbashirik taha hulaima nokopman jivinakunda ma ri, karem angop heyeri lir. Uri osik mashi oson li mbakurin ormu pantlera.

Mashi jivi Jisashi Luk or kayeri 9:42

Jikisi oto Jisasik or takurik or tarik wasimalengamba orin or kisha ermberik ormu tukuyira. Uhu ormu kwarnguarna mendera. Urik Jisas wasimalengamban or ngriaha nor mbarik jikisi oto jivik ormu nara. Uhu nor halashirik indik avoko orhik ormu ira.

Aposel 16:18

Nokove oso erem er si mbaha irik Pol or ufuhu sirin or tormble heyehe normu wasimalengamba or sirin oloshirik si mbaha iri oton ormu mbara, “Kwambu Jisas Kraishik mirin amu mbanduwa. Mir nokove toson halaha ika.” Urik kolomalok wasimalengamba sirin or halaha ormu ira.

Jekamba os Jut kayeri 1:9

Ensel or maifuk sinda Maikel oto os Moseshi maninimban or lakurik Laulaka nga fri anamainkwambu mbari wolo Maikel mbeek mashi kavakavan Laulakan mbari ambu ri, wahau. Or men karem mbari ora, “Wasilaka nom avak mirin mainkwambuk mbakwa ri,” karem mbari ora.