Mashi jivi Jisashi Mak or kayeri 9:23 - Nupela Testamen long tokples Mende long Niugini

²³ Karem or mbarik ormu mbara, “Mberem ushiwak os mi mba, mir am mi unda nahi, karem mi mbandu? Misi, os ma lar anin or hishiowena nahi, os or mbawa hom a ukwa nir.”

Mashi jivi Jisashi Mak or kayeri 9:23 ပူးပေါင်းရင်းမြစ်များ

Matyu 14:29

Urik Jisas mu mbara, “Wa raka.” Urik Pita botin or halaha fa heyek or esehe Jisasik ormu ira.

Matyu 17:20

Urik ormu sawera, “Mashi anhin ji misindiyanda nombo kandakar mende jihik nawa ambu sir, wahau. Uwosik mberem ji mbawak jivik nandahi ambu ri. Hako omek amu sawenduwa, os anin ji hishiowenda nombo jihi awarikanda mastet siji hom si na nahi, ambehoma, telemba roson ji mba, “Telemba nyir usa ika!” karem ji mba nahi, si usa indahi sir. Uhu mbele mbele os ji ukwak si nawa avak er ji undahi sir.” [

Mashi jivi Jisashi Mak or kayeri 11:23

Omendingak jirin amu sawenduwa, os wavu frijip frijip ji hishina ambu nahi, os ji mba, “Telemba nyir usaha fa lakak layika.” Karem ji mba nahi, si usa indahi sir.

Mashi jivi Jisashi Mak or kayeri 9:22

Ermba ermbak wasimalengamba oto uwak hik or takaihi fak or ihi karem uhu orin or mandingormeshinak or hakwak unda ri. Os nirin mi rupshihi am mi unda nahi, jikisi anhi toton mbashinak jivik or naka,”

Mashi jivi Jisashi Mak or kayeri 9:24

Karem or mbarik kolomalok, avoko ma oto wasilakak ormu tlara, “An mirin a hishiowenda nir. Hako wavu anhi frijip frijip nanda osik anin jelyashinak kwambuk a sika.”

Mashi jivi Jisashi Luk or kayeri 17:6

Karem li mbarik Wasilaka mu lirin sawera, “Os anin ji hishiowenda nombo jihi awarikandak mastet siji hom si na nahi, wa ambehoma. Mi roson ji mba, “Nyir nyihinjik kwarasaha i solwarak sika.” Karem ji mbawa, wa os ji mbawa hom nakwa sir.”

Mashi jivi Jisashi Jon or kayeri 11:40

Karem si mbarik ormu mbara, “Angop a sawewak nyi misiwa os te! Os mashi anhin nyi hishiowe nahi, kwambu Avui Wasilakahin avak nyi heyekwa sir!”

Aposel 14:9

Ma oto or lihi nor misirik Pol mashi Avui Wasilakahin ormu sawera. Uhu or heyeri ma oto mashi Avui Wasilakahin or misindiyaha wavukop ormu hishira, “Avui Wasilaka avak or mbanak jivik a nakwa nir,” karem ormu hishira.

Hibru 11:6

Hako os ma lar Avui Wasilakan or hishindiyana ambu nahi, mberemhi nombok orhik or iku? Wahau. Mende indinga. Hako ma ol Avui Wasilakahik iwa ma ondo karem hishinda lir, “Avui Wasilaka ormu linduwa. Uhu ma ol orhik iwan armek unda ri.” Erem li hishinda osik lirin armek unda ri.