Mashi jivi Jisashi Mak or kayeri 9:20 - Nupela Testamen long tokples Mende long Niugini

²⁰ Karem or mbarik jikisi oton limu laharara. Urik wasimalengamba or jikisi oton tolonda oto Jisasin or heyehe jikisi oton or urik amba amban or kwarngarnaha misambik or takaha ormu torntarmblera. Karem urik suntla hermbo suwambushi orhik simu ngorora.

Mashi jivi Jisashi Mak or kayeri 9:20 ပူးပေါင်းရင်းမြစ်များ

Mashi jivi Jisashi Mak or kayeri 1:26

Karem or mbarik wasimalengamba orto ma oton or urik or kwarnguarnarik wasilaka mendek or tashihi ma oton or halaha ormu tala ira.

Mashi jivi Jisashi Mak or kayeri 9:18

Ermba ermbak orin or toloshihi or ermbewak misambik takatukuyinda ri. Uwak suntla hermbo suwambushi orhik talaha fu orhin or tangrimbaha wanda ri. Uhu maome orhi sanguanaha wanda ri. Hako ma ol mirin tiyandari ma tondon a silirik wasimalengamba oton mbeek li mbru ermbendahik nari ambu lir.”

Mashi jivi Jisashi Mak or kayeri 9:19

Karem or sawerik ormu mbara, “Jir anin hishiowenda ambu oj? Ermba ermbak jir nga na lihi mashin angop a sawewak ji misinda sir. Hako jir mbeek anin hishiowenda ambu jir. Wa, jikisi oton laharaka.”

Mashi jivi Jisashi Mak or kayeri 9:21

Urik Jisas avoko ma oton ormu silira, “Mbele wolo mendek jikisi toto wasimalengamba toloshirik karem or ur?” Urik ormu mbara, “Angop jikisakrik or nari wolokop.

Mashi jivi Jisashi Mak or kayeri 9:26

Karem or mbarik wasimalengamba oto wasilaka mendek or jisuwuhu jikisi oton or urik misambik or takaha handari hom ormu wara. Urik wasimalengamba oto or halaha ormu tala ira. Urik ma ondo li siheyehe limu mbara, “Ayo, jikisi toto karem haw te!”

Mashi jivi Jisashi Luk or kayeri 4:35

Karem mbarik orin huliyik ormu mbara, “Mayam si. Ma toton halaha ika.” Urik ma li heyerik wasimalengamba ma oton or farnaro ormbehe ormu halashi ira. Hako ma oto mbeek kavak nari ambu ri.

Mashi jivi Jisashi Luk or kayeri 9:39

Wasimalengamba orin or toloshiwak or ushandashi yanda ri. Uhu kwarnguarnaha suntla hermbo nom ngoronda ri. Uwak orin or mandingormekwak unda ri, mbeek kolok orin or hala ikwak hishinda ambu ri.

Mashi jivi Jisashi Luk or kayeri 9:42

Jikisi oto Jisasik or takurik or tarik wasimalengamba orin or kisha ermberik ormu tukuyira. Uhu ormu kwarnguarna mendera. Urik Jisas wasimalengamban or ngriaha nor mbarik jikisi oto jivik ormu nara. Uhu nor halashirik indik avoko orhik ormu ira.

Mashi jivi Jisashi Jon or kayeri 8:44

Avoko jihi Laulaka orik mbele mbele os avoko jihi or uhunda hom os jimu unduwa. Mas araje wolokop sishi raha man mandingormenda ri. Mbele las omek nandan unda ambu ri. Mbele mbele os omek nanda mbeek orhik nanda ambu sir. Haimba handambanda mashi tontlo orhik nanda osik haimba handambanda mashi nom mbanda ri.

1 Pita 5:8

Hako mai, ji ruwol tava oloho ji auheye ji lika. Mberem ushiwak? Wutari jihi Laulaka oto jirin or unak Jisasin ji hishindiyanda nombo jihin ji halakmbaha ormu yanduwa, os kala asa man or shihi akwak nomboi nomboheyek or tashiyanda hom.