Mashi jivi Jisashi Mak or kayeri 8:17 - Nupela Testamen long tokples Mende long Niugini

¹⁷ Jisas mashi os li mbari oson angop or heyeri sir. Uhu normu mbara, “Mberem ushiwak jir bretnjik ji mbandu? An bretin na mbawa ambu nir. Mberem ushiwak ji hishakasha mendendu? Jir hishiyarinda ambu oj?

Mashi jivi Jisashi Mak or kayeri 8:17 ပူးပေါင်းရင်းမြစ်များ

Matyu 12:15

Jisas os Farisi orin kavak li ukmbaha li hishiri nombon angop or heyeri sir. Karem urik yanga oson or halaha yanga anandi lasik ormu ira. Urik ma mushak orin limu tiya ira. Urik or mbarik ma ol kavamisindari ondo jivik limu nara.

Matyu 15:17

Mbele mbele ol sunguk layiwa ondo men li siyi ermbenda lir. Ondo mbeek man uwak kavak nanda ambu lir.

Matyu 16:7

Karem or mbarik lihi ambek limu mbara, “Wa bret nga ni laharawa ambu osik mbandar?”

Mashi jivi Jisashi Mak or kayeri 16:14

Ma 11-pela ondo aka lasik li lihi li arik kolok Jisas mu talara. Or talaha lirin ormu mbara, “Jir mberem ushiwak os indiyok a usahawa mashi oson li sawewan ji misiwa ambu? Wavu jihi fenjeshiwak anin ji hishiowenda osmu mendek nandu?”

Mashi jivi Jisashi Mak or kayeri 2:8

Hako Jisas wavu os erem li hishiri oso angop or heyeri osik ormu silira, “Jir mberem ushiwak wavu jihi erem ji hishindu?

Mashi jivi Jisashi Mak or kayeri 3:5

Jisas or heyeri ma ondo mbeek ma otonjik holori ambu lir. Uri osik wavu orhi kavak si narik ma otonjik or holoho ormu mbara, “Tava mihin sanguananak a heye.” Karem or mbarik tava orhin or sanguanarik jivik simu nara.

Mashi jivi Jisashi Mak or kayeri 6:52

Jisas akwan or harik li ari oso angop li heyeri sir. Hako lir mbeek os or urin yariri ambu lir. Wavu lihi angop fendele menderi lir.

Mashi jivi Jisashi Mak or kayeri 8:16

Karem or mbarik lihi ambek limu mbara, “Mberem ushiwak mashi toson ter or mbanduwa? Nir bret ngashi ambu, karem or mbawa toson.”

Mashi jivi Jisashi Luk or kayeri 24:25

Urik Jisas fririn ormu sawera, “Shir yarinda ambu shir. Mashi os profet mas li sawendari oson hishanda osh?

Mashi jivi Jisashi Jon or kayeri 16:30

Mir mbele mbele ondo amber mi heitakonda lir. Os ni silikwak ni hishiwa angop mi heitakowa lir. Uwosik am nimu heyenduwa, mir Avui mbashirik tari mira.”

Mashi jivi Jisashi Jon or kayeri 21:17

Uhu indik Pitan ormu silira, “Saimon jikisi Jonhi mirin, anin wapnuku mende mihik ewenda om mo wahau?” Karem indik or silirik sunguwavu orhi kavak si narik or holoho ormu mbara, “Wasilaka, mbele mbele os wavu anhik nawan angop mi heitakowa sir. An mirin wapnuku anhik a ewenda nir.” Urik ormu mbara, “Mir avak sipsip anhi ondon armek washilihi akwan hanak li aka.”

Revelesen 2:23

Ol sirin tiyanda ma ondo er nga na mandingormekwa lir. Ushinak sios amber hom li heyeka, an mbele mbele os sunguwavu mahik tasandan na oweioweiheyenda nira. Uhu lerawu os li lahanda ambe ambe lihik a heyehe wasan a handa nira.