Mashi jivi Jisashi Mak or kayeri 6:41 - Nupela Testamen long tokples Mende long Niugini

⁴¹ Urik Jisas bret ondo nga foome ovro nga nor tolo lalawuhu Avui orhin armesarmek ormu mbara. Ushihi bretin or toltavaha ma orin tiyandari ondon or harik olmu ma ondon hara. Ushihi foome nga li humasishirik ma ondo olmu ara.

Mashi jivi Jisashi Mak or kayeri 6:41 ပူးပေါင်းရင်းမြစ်များ

Matyu 14:19

Uhu or mbashirik ma ol orok liri ondo misambik limu raka lira. Uhu bret tostava ondo nga foome ovro nga nor laha lersuwu yok or mawuhu Avui Wasilakan ormu sawera, ushinak akwa ondon armek or ushinak or hanak li akmbahan. Uhu bretin or toltavaha ol orin tiyandari man or harik li laha ma ondon limu hara.

Matyu 15:36

Urik bret nga foome nga nor laha Avui Wasilakan armesarmek ormu mbara. Ushihi bretin or toltavaha foomen or tolkoroho ol orin tiyandari man or harik lir nga mu ma ondon hara.

Matyu 26:26

Li lihi li aha Jisas bret las or laha Avui Wasilakan armek or mbaha bretin or toltavaha ol orin tiyandari man ormu hara. Uhu ormu mbara, “Kaso maome anhi kasira. Ji laha aka.”

Mashi jivi Jisashi Mak or kayeri 14:22

Os li ari wolok Jisas bret las or laha Avui Wasilakan armek or mbaha ormu sawera. Uhu bretin or toltavaha ol orin tiyandari ma ondon ormu hara. Uhu ormu mbara, “Ji laha aka, kaso maome anhi kasira.”

Mashi jivi Jisashi Mak or kayeri 6:40

Urik ma ondo amber misambik limu raka lira. Lal 100-ik li lirik, lal 50-k karem limu lira.

Mashi jivi Jisashi Mak or kayeri 6:42

Urik ma ondo amber akwan er li aha limu krehera.

Mashi jivi Jisashi Mak or kayeri 7:34

Ushihi lersuwu yok or larasa mawuhu Avui orhin ormu sawera karem, “Efata!” Mashi oso “Mambla huvanak takhava larnaka,” karem mbahanda mashi sir.

Mashi jivi Jisashi Mak or kayeri 8:19

Uhu mberem ushiwak ji hishakasha mendendu? Os bret tostava yeje hom a toltavaha ma 5,000-ik a harik li ari oson jimu hishanduwa. Oro wolok akwa sumbuyambu serkawu mbelmbel ji wolor?” Karem or silirik limu mbara, “Serkawu 12-pelak ni wolori nira.”

Mashi jivi Jisashi Luk or kayeri 24:30

Uhu am li akurik Jisas bret las or laha or toltavaha Avui Wasilakan armek or sawehe normu fririn hara.

Mashi jivi Jisashi Luk or kayeri 9:16

Urik Jisas bret tostava yeje nga foome frijip nga nor laha lersuwu yok or mawuhu Avui Wasilakan ormu sawera, ushinak akwa ondon armek or ushinak or hanak li akmbahan. Uhu bretin or toltavaha foome nga ol orin tiyandarin ormu hara. Ushirik li laha ma ondon limu hara.

Mashi jivi Jisashi Jon or kayeri 11:41

Urik sunja oson limu tembe haiewera. Urik Jisas lersuwu yok or larasa mawuhu Avui orhin ormu sawera, “Mir mashi os a sawendan mi misinda osik armesarmek mirin amu mbanduwa.

Mashi jivi Jisashi Jon or kayeri 17:1

Jisas am mashin or sawerakoho lersuwu yok or larasa mawuhu Avui orhin ormu sawera, “Avuya, am a hakwa wolok osmu nanduwa. Avak mir hi anhin hauowenak wasilakak si naka. Unak an nga hi mihin a hauoweka.

Mashi jivi Jisashi Jon or kayeri 6:11

Urik Jisas bret ondon or laha Avui orhin armesarmek ormu mbara. Uhu ma ondon ormu hara. Uhu foome ovro nga erem ormu hara. Akwa ondon or harik, os li akurik li hishiri hom limu ara.

Mashi jivi Jisashi Jon or kayeri 6:23

Hako ter li heyeri bot lal ol nirik yanga Taiberias yok tari nom orok sirik li heyeri lir, os Jisas akwan or harik li ari mishi orok.

Aposel 27:35

Uhu bretin or laha misokome lihik Avui Wasilakan armesarmek or mbaha nor toltavaha ormu ara.

Jekamba Pol ol yanga Romik lindanjik or kayeri 14:6

Ma ol de ondon heyehe mba, “De kaso nom jivi sira. Oro wolokop Avui Wasilakan ni lotu ukwa nir.” Karem hishiwa ma ondo mbeek lihinjik erem mbawa ambu lir. Hi orhin li hausimbausikwak erem mbanda lir. Uhunda hom ma ol fle avin anda ma ondo erem. Fle avi ondon li awa wolo Avui Wasilakan armesarmek li mbaha anda lir. Uwak ma ol fle avin hakrinda ondo erem, fle avin li hakrihi Avui Wasilakan li rupshihi orin hausimbausinda lir.

1 Korin 10:31

Erem nanda osik os ji awa mo ji awa ambu, mbele mbele ji uwa nakrem Jisasin hishindiyanda ma jirin li heyehe hi Avui Wasilakahin li hauowekmbaha ji uka. Ushinak erem ji uwan li heyehe Jisasin li hishindiyanda nombo lihi mbeek kavak nakwa ambu sir.

Kolosi 3:17

Mbele mbele ol ji uwa mashi os ji mbanda nga lerawu os ji landa nga ji halanak Wasilaka Jisas or mbahanda hom si naka. Uhu hi Wasilakahik Avui Wasilakan armesarmek ji mbaka.