Mashi jivi Jisashi Mak or kayeri 5:23 - Nupela Testamen long tokples Mende long Niugini

²³ Uhu ormu tlaha sawera, “Jikisnokopji kanda anhi am hakwa ambek nar. Away, mi raha tava mihin mi hauowenak jivik si nawa.”

Mashi jivi Jisashi Mak or kayeri 5:23 ပူးပေါင်းရင်းမြစ်များ

Matyu 8:3

Karem or mbarik Jisas tava orhin ma otohik or hauowehe ormu mbara, “An mbawa jivik nakwa mira.” Karem or mbarik kolok okmbale lepra oso mendek si narik jivik ormu nara.

Mashi jivi Jisashi Mak or kayeri 16:18

Unak os hovo ol man shiwak li handa ondon li tolowa mbeek lirin shinak hakwa ambu lir. Uhu mbele mbele kava ma aha li handa ondon li awa mbeek hakwa ambu lir. Uhu ma ol kavamisiwa ondon tava lihik li tolowa avak jivik nakwa lir.”

Mashi jivi Jisashi Mak or kayeri 5:24

Karem or mbaha Jisas nga frimu ira. Urik ma musha mendek orin li rurawuhu limu tiyaha ira.

Mashi jivi Jisashi Mak or kayeri 6:13

Karem li mbaha wasimalengamba ol man tolondari ondon li mbru ermberik tulu iri lir. Uhu ma ol kavamisindarin wel ukuk li ngoroho li tarik jivik nari lir.

Mashi jivi Jisashi Mak or kayeri 7:32

Urik ma lal li taha ma or mambla jihi maimbandari ambu oton orik li laharaha limu mbara, “Jisas, tava mihin maome orhik mi hauowenak avak jivik or naka!”

Mashi jivi Jisashi Mak or kayeri 8:23

Karem urik Jisas misokome tumundari oton mantle yok or lai ewehe tava orhin suntla ukuk or uhu ma otohi misokom mambuk or hautaha ormu silira, “Kas am mimu heyendu mo?”

Mashi jivi Jisashi Luk or kayeri 13:13

Karem or mbaha tava orhin nokove osohi maomek or hauowerik lewas jip si usaha wornak si sihi hi Avui Wasilakahin simu hausimbausira.

Mashi jivi Jisashi Luk or kayeri 4:38

Jisas or usaha li lotu undari aka oson or halaha nor ihi aka Saimonhik ormu layira. Arjava Saimonhi si kavamisihi maome hikop warje mende nga lawurik orok wari sir. Urik Jisasin limu silira, sirin or mbanak jivik si nakmbahan.

Mashi jivi Jisashi Luk or kayeri 4:40

Ta am or layirik ma ol orok fehendari ondo ma lihi ol kavamisindari ondon Jisashik limu laharara. Urik Jisas ma ondon namtarmba namtarmbak tava orhin or hauowehe or mbarik jivik limu nara.

Mashi jivi Jisashi Luk or kayeri 7:12

Li ihi yanga inyin li washi arangondari akayanga orok am pasir li naha li heyerik ma nendekuvu lar or hashirik maninimba orhin li kishaha yanga hikriyok limu laharlara. Nijava orhi hula sihi angop maskop hashirik mumblak si naha wayandari sira. Urik yanga orok fehendari ma musha mendek olmu nokove oso nga tara.

Mashi jivi Jisashi Jon or kayeri 11:3

Urik Jisasin fri mainhaha frimu mbara, “Wasilaka, naimble mihi am or kavamisihi hakwak naw te!”

Aposel 28:8

Avoko Publiushi or kavamisihi kawuk wari ri. Or maome orhi hikop si tasarik uku hom ermberi ri. Urik Pol or ihi Avui Wasilakan or sawehe tava orhin maome orhik or hauowerik jivik ormu nara.

Aposel 6:6

Ma ol li kamari ondon li mbashirik lasikop os aposel siri mishi orok limu sira. Urik aposel ondo ma ondohi masijik tavan li hauowehe lirnjik Avui Wasilakan limu sawera, ushinak lerawu oson li lakmbahan.

Aposel 8:17

Avui Wasilakan fri saweshihi tavan masiji lihik fri hauoweshirik Masikome Avui Wasilakahi lihik ormu takara.

Aposel 9:12

Sol oto or lihi suku hom or heyewak or linda akak mi layihi tava mihin masiji orhik mi hauoweshiwak kolok misokome orhi indiyok jivik si nawak heyewa ora.”

Aposel 9:17

Urik Ananaias or usa or ihi aka orok or layi tava orhin or hau Solhi masijik owehe normu mbara, “Awasayi anhi, Sol. Wasilaka Jisas or nombok mihik talarik mi heyeri oto or mbashiwak mirin a heyekwak amu randuwa. Ushinak misokome mihi indiyok jip mi heyekmbahan. Unak Masikome Avui Wasilakahi avak mir nga nor sikmbahan.”