Mashi jivi Jisashi Mak or kayeri 4:38 - Nupela Testamen long tokples Mende long Niugini

³⁸ Urik Jisas bot sumbu yok kaumasikruva sihi ormu suknyara. Or suknyarik ma ol orin tiyandari ondo er li ajehe orin li lembasihi limu mbara, “Tisa, avak ni uk aha ni hakwa nir te!”

Mashi jivi Jisashi Mak or kayeri 4:38 ပူးပေါင်းရင်းမြစ်များ

Matyu 22:16

Uhu li mbashirik lihi ma lal nga Herothi ma lal nga Jisasik li ihi limu mbara, “Tisa, mir mainome nom sawewak ni heyenda mir. Uhu os hulaima nokopma Avui Wasilakan li tiyakwa nombon omek ewesawenda mira. Mir mbeek man ajenda ambu mir. Ma amber, hi ngashi nga hi ngashi ambu nga nakremkop mbanda mira.

Matyu 8:25

Urik ma ondo orin li lembasihi limu mbara, “Wasilaka, avak ni uk aha ni hakwa nir te. Mir nirin jelyawa!”

Mashi jivi Jisashi Mak or kayeri 4:37

Li irik suwa lakak si rasarik uku si lawuhu andoho botik si layhi bot orok simu hojekurik ura.

Mashi jivi Jisashi Mak or kayeri 4:39

Karem li mbarik Jisas or usaha suwa nga fa nga ormu huliyik mbara, “Ambe er hala mende!” Karem or mbarik suwa mendek si narik fa oso nga osmu haha wara.

Mashi jivi Jisashi Luk or kayeri 8:24

Li heyehe Jisasin li lembasi limu mbara, “Wasilaka, Wasilaka. Avak ni uk aha ni hakwa nir te.” Karem li mbarik or usaha suwa nga fa oso nga normu huliyik mbara. Urik suwa nga fa nga mendek frimu nara.

Mashi jivi Jisashi Jon or kayeri 4:6

Ukwa las Jekop maskop or korondari oso yanga orok nandari sira. Am takondik si narik Jisas or taha nor krehe ukmashi orok ormu limasira. Ol orin tiyandari ma ondo angop akwan li frungawukmbaha li ishirik Jisas nendekop orok liri ria. Urik Samariak fehenda nokove las ukun si tarmukurik orok simu tara. Urik Jisas ormu silira, “Uksembe kas anin hanak a aka.”

Hibru 2:17

Uri osik nir ma misambik fehe hom or naha maome nga nari ri. Uhu ormu hetpris nihik nari ri. Uhu nirnjik or hishihi nor holoho lerawu os Avui Wasilaka orin or harin er lari ri, mbeek halari ambu ri. Lerawu os or lari karem, kavakava ni undarin or yoko ermbekurik hari ria.

Hibru 4:15

Hetpris nihi oto nirin angop or heyenda nir. Nir mbeek kwambu nga ni nanda ambu nir. Mbele las os nihik si tala nahi, lewas ni takatukuyikwa nir. Mbele mbele kava tol nihik talawa tondo angop orhik talarik or heyeri lir. Hako mbeek tukuyiri ambu ri. Unda osik os mbele kava lal nirik li tala nahi, or nirnjik or hishihi nor holoho nirnjik sikwa ria.

1 Pita 5:7

Jirnjik or hishihi holo mendenda ri. Uwa osik nomorawu jihik si talawa, tavarenje orhik ji wirnjika. Unak or avak jirin jelyakwa ri.